Andre Silva po kalon një moment mjaft të mirë te klubi i Sevillas, ku edhe është huazuar nga Milani, që është skuadra që disponon kartonin e portugezit. Në marrëveshje, klubi andaluzian ka të drejtën e blerjes në fund të sezonit dhe deri tani duket e sigurt që do ta ushtrojë, por e ardhmja e sulmuesit duket larg Sevillas.


Kjo pasi në gjurmët e tij janë disa klube tashmë, me emra si Juventusi e Paris Saint Germain, që janë gati të transferojnë sulmuesin portugez. Andre Silva u transferua në verën e 2017-ës te Milani, si një nga futbollistët më premtues, por sezoni i tij i parë në Serinë A ishte një dështim, duke u pasuar më pas me huazimin në Spanjë.


12 janar 2019 (gazeta-Shqip.com)