NJU JORK - Autoritetet amerikane kane zbardhur historine e Leke Sukajt i ekstraduar pak dite me pare drejt Shqiperise per krimin familjar qe kishte bere plot 16 vjet me pare. Sipas autoriteteve te Zyres se Doganave dhe Imigrimit 41-vjecari Sukaj ka hyre ne territorin amerikan ne vitin 2007 me dokumente identiteti false. Por dy vjet me pas ai u prangos pasi rezultonte ne listen e te kerkuarve te Interpolit. Para disa ditesh i denuari nga Drejtesia shqiptare u nis nga aeroporti nderkombetar F. Kenedi ne Nju Jork drejt Rinasit ku iu dorezua autoriteteve shqiptare per tu pergjigjur per denimin e dhene me 16 vjet burg.
Ekstradimi
Vetem pak dite pas sjelljes ne pranga ne Shqiperi te Leke Sukajt zbardhen detajet e arratisjes se tij drejt SHBA-ve dhe paraqitjen me dokumente te rreme. Sipas mediave amerikane 41-vjecari nga Shkodra i denuar per vrasjen e motres dhe te dashurit te saj dhe i shpallur ne kerkim qe prej vitit 2002 ka arritur qe te kaloje te gjitha pikat kufitare dhe te strehohet ne Bronks te SHBA-ve. Ne momentin qe ka shkuar ne Amerike eshte paraqitur me pasaporte false. Qe prej vitit 2007 deri ne 2009-n ka punuar normalisht. Por nuk ka zgjatur shume identiteti i rreme i Sukajt. Ai ishte listuar te personat wanted te Interpolit dhe autoritetet amerikane kane arritur qe ta zbulojne dhe me pas ta arrestojne. Per nje periudhe 1-vjecare jane zhvilluar te gjitha procedurat perfshire edhe gjyqin per ekstradimin e tij ne atdhe.
Krimi
Leke Suka eshte denuar me 16 vjet burg nga Gjykata e Shkodres me 18 korrik 2002 per vrasje me dashje ne bashkepunim. Ngjarja per te cilen Suka eshte denuar ka ndodhur ne daten 13 shkurt 1994 ne fshatin Boric i Vogel Malesi e Madhe. Ai dhe vellai i tij Pellumb Suka kane qelluar me arme zjarri ne drejtim te Gjon Micit dhe motres se tyre Gjelina Lulashi duke i shkaktuar vdekjen. Ngjarja ka ndodhur ne mesdite ndersa dy viktimat po ktheheshin nga nje vizite te nje i njohuri i tyre. Leke dhe Pellumb Suka te cilet u kane zene prite dy viktimave kane qelluar ne drejtim te tyre me arme zjarri.
Viktima Mici i cili ishte i martuar dhe kishte tre femije por kishte disa muaj qe bashkejetonte me motren e autoreve te krimit Gjelinen se ciles i kishte premtuar se do te divorcohej me bashkeshorten e do te martohej me te. Kjo gje nuk eshte pranuar nga familjet. Qe prej vitit 1994 Suka ishte ne kerkim dhe eshte arrestuar pak dite me pare per llogari te Drejtesise shqiptare.
