Programet orientuese te Matures Shteterore per lendet e Kimise dhe te Biologjise nuk do te kene asnje ndryshim me programet orientuese te vitit te kaluar. Keshtu, ato do te zene rreth 60 per qind te totalit te mesimeve qe nxenesit kane marre gjate shkolles se mesme. Kesisoj, ata do te pyeten mbi formulat kimike te njejta me te vjetshme, per perberjen e trupit te njeriut, te kafsheve, te botes bimore etj. “Programet nuk kane asnje ndryshim”, thote specialistet te cilet jane marre me hartimin e tyre. Ne to, ata kane zgjedhur dijet me pikante, te cilat do t’u sherbejne kandidateve per studente ne testimet qe do te zhvillojne dhe per studimet e larta. Ndersa programi i matematikes dhe letersise te botuara dje te plota nga gazeta “Koha Jone” kishin te benin me disa ndryshime,m sipas profilit te shkollave. Nderkaq, mendohet se edhe programet e lendeve te tjera me zgjedhje nuk do te kene ndryshime. Ndersa risi per kete vit perben futja e gjuhes frenge ne listen e lendeve me zgjedhje, ku per rrjedhoje edhe programi orientues do te botohet per here te pare kete vit. Futja e gjuhes frenge ne kete liste u be pas kerkesave te shumta te maturanteve dhe pas konsultimit te specialisteve me njeri-tjetrin. E reja tjeter per kete vit, eshte se lendet cift jane ndare. Behet fjale per lendet kimi-biologji, njohurine per shoqerine-filozofi-njohuri per ekonomine etj.
