adi shkembi

Partia Demokratike kryeson me 3 deputetë më shumë se Partia Socialiste kur kanë ngelur edhe rreth 160 kuti pa u numëruar, ndërkohë që e majta dhe e djathta kanë numër të njëjtë deputetësh, nga 70. Rreth 48 orë pas nisjes së numërimit të votave, dy forcat e mëdha politike janë pranë njëra-tjetrës, ndërkohë që rezultati duket se do të mbahet peng nga katër qarqe, ku dy forcat e mëdha pretendojnë se mund të kthejnë rezultatin.
Katër qarqet
Partia Demokratike pretendon se mund të rrisë diferencën në qarkun e Lezhës. Deri rreth mesnatës Partia Demokratike kishte katër mandate të fituara ndaj tre mandateve të Partisë Socialiste. Ndërkohë sipas PD-së kutitë e panumëruara ende në qytetin e Laçit mund të çojnë rezultatin në pesë me dy ndaj PS-së. Në të njëjtën kohë, një tjetër qark nga ku PD-ja pretendon të thellojë diferencën e saj është ai i Shkodrës. Deri dje në këtë qark, Partia Demokratike kishte 7 mandate të fituara ndaj katër të Partisë Socialiste. Por sipas forcës kryesore të koalicionit “Aleanca e Ndryshimit”, numërimi i votave në komunën e Bushatit mund ta çojë numrin e mandateve të kësaj partie në 8 dhe të zbresë në tre numrin e mandateve të PS-së. Si të mos mjaftonte tensioni për deputetin e 16-të në Fier, kreu i PDI-së, Tahir Muhedini përgënjeshtroi mbrëmë një e-mail të shpërndarë në emër të kësaj partie, sipas së cilës, kjo forcë do të rishikonte marrëveshjen me PD-në, nëse ajo nuk do të kthejë numërimin në Fier. Në një komunikim me mediat, Muhedini tha se marrëveshja me PD-në nuk ka ndryshuar. Në të kundërt Partia Socialiste pretendon të kthejë rezultatin në favor të saj në dy qarqe të jugut. Kështu në qarkun e Fierit, deri në orët e vona të darkës PS-ja ka pasur herë tetë deputetë dhe 7 PD, dhe herë 9-6 në favor të saj. Numërimi i kutive të fundit pritet të qartësojë ndarjen përfundimtare në këtë qark. Në të njëjtën kohë Partia Socialiste pretendon të thellojë avantazhin edhe në qarkun e Beratit. Në përfundim të procesit në këtë qark, pa u llogaritur kutia e votimit në Uznovë, nxjerr PS-në me 4 deputetë, PD-në me 3 dhe LSI-në me 1. Por sipas PS-së, nëse do të numërohet edhe kjo kuti, ajo mund të fitojë edhe mandatin e pestë dhe të zbresë në dy numrin e mandateve të PD-së.
Qarqet e fiksuara
Megjithëse nuk është mbyllur ende, qarku i Tiranës duket se ka vendosur tani përfundimisht ndarjen e 32 mandateve. Nga numërimi i më shumë se 770 kutive të votimit nga 826 që janë gjithsej, rezulton se Partia Demokratike dhe Partia Socialiste janë me numër të njëjtë mandatesh 15. Por në ndryshim nga një natë më parë, e reja e ditës së djeshme ishte pikërisht arritja e pragut pesë për qind nga ana e Lëvizjes Socialiste për Integrim, listën e të cilës e kryeson kryetari Ilir Meta. Mandatin e fundit në këtë qark e ka marrë Partia Republikane. Ashtu si një ditë më parë, tashmë është konfirmuar rezultati në shtatë qarqe të vendit. Konkretisht në qarkun e Kukësit, PD-ja ka fituar tre mandate dhe PS-ja 1 mandat. Për sa i përket qarkut të Dibrës, PD-ja ka arritur të marrë katër mandate, ndaj dy të PS-së. Qarku i Durrësit ka qëndruar në të njëjtat shifra me ato të një dite më parë, ku PD-ja ka marrë shtatë mandate, PS-ja 5 dhe Lëvizja Socialiste për Integrim 1 mandat. Në qarkun e Gjirokastrës, PS-ja konfirmoi fitoren e saj me tre mandate ndaj dy të PD-së, ndërsa në qarkun e Vlorës është shënuar edhe numri më i madh i partive që kanë marrë mandate. Kështu PS-ja ka fituar 6 mandate, PD-ja katër mandate, PDI-ja një mandat dhe PBDNJ-ja një mandat. Në të njëjtën kohë dy prej qarqeve më të mëdha në vend, Elbasani dhe Korça kanë mbetur të pandryshuar si një ditë më parë, ku në total kanë marrë nga 12 mandate.


emrat e deputeteve sipas rezultateve paraprake

Qarku Berat
PS 4 deputetë
Erion Braçe
Fidel Ylli 
Ermonela Velaj 
Marko Bello
PD 2 deputetë
Genc Pollo
Mehmet Xheka 
Lefter Maliqi
LSI 1 deputet
Nasip Naço

Qarku Durrës
PD 7 deputetë
Ferdinand Xhaferri
Albana Vokshi 
Gazmend Oketa 
Ylli Lama 
Osman Metalla
Eduart Halimi 
Igli Cara
PS 5 deputetë
Blendi Klosi
Rudina Seseri 
Hazir  Gashi 
Gazmir Bizhga 
Klodiana Spahiu
LSI 1 deputet
Lefter Koka

Qarku Elbasan
PS 7 deputetë
Valentina Leskaj 
Ilir  Bejtja 
Shegushe Ligori
Taulant Balla
Damian Gjiknuri 
Agim Leka
Skënder Hasa
PD 7 deputetë
Lulzim Basha 
Ardian Turku 
Adriana Gjoni 
Rrahim  Çota 
Dashnor  Sula 
Luçiano  Boçi 
Sybi  Hida 

Qarku Dibër
PS 2 deputetë
Sadri Abazi
Qemal Minxhozi
PD 4 deputetë
Jemin Gjana
Sherefedin Shehu
Bedri Hoxha
Selami Xhepa

Qarku Gjirokastër
PS 3 deputetë
Arta Dade
Vangjel Tavo 
Ethem  Ruka
PD 2 deputetë
Genc Ruli
Spiro Ksera

Qarku Fier
PS 9 deputetë
Gramoz Ruçi
Ermelinda Meksi
Albert Çaçi 
Fatos Tushe 
Armando Subashi 
Bashkim  Fino 
Ervin  Koçi
Arben  Çuko
Pirro Lutaj
PD 6 deputetë
Sokol Olldashi 
Ilir  Bano 
Mesila  Doda 
Enkelejd Alibeaj 
Vasillaq  Ngresi 
Fatos  Beja 
LSI 1 deputet
Dritan Prifti

Qarku Korçë
PS 6 deputetë
Ben Blushi 
Pandeli Majko 
Alfred Dalipi 
Mimi  Kodheli 
Arben  Ahmetaj 
Olta  Xhaçka 
PD 6 deputetë
Ridvan Bode 
Gjergji Papa 
Ledina  Aliolli 
Edmond Spaho 
Fatbardh Kadilli 
Ismail  Hoxha 

Qarku Kukës
PS 1 deputet
Asllan Dogjani
PD 3 deputetë
Flamur  Noka 
Besnik  Dushaj 
Fatos   Hoxha

Qarku Lezhë
PS 3 deputetë
Gjok Jaku 
Gjovalin Kadeli 
Armando  Prenga
PD 4 deputetë
Edi Paloka 
Mark  Marku 
Pavlina Hoti 
Rrajmond Hoxha

Qarku Shkodër
PS 4 deputetë
Ilir Beqja 
Tom  Doshi 
Ndue  Kola 
Astrit Beci
PD 7 deputetë
Jozefina Topalli 
Astrit  Bushati 
Arenca  Trashani 
Gëzim  Dibra 
Gjok Uldedaj 
Paulin Sterkaj 
Ndue  Paluca

Qarku Tiranë
PS 16 deputetë
Vasilika Hysi 
Besnik  Baraj 
Kastriot Islami 
Sajmir  Tahiri 
Fatmir  Xhafaj 
Andis  Harasani 
Ditmir  Bushati 
Eglantina Gjermeni 
Namik  Dokle 
Enkelejda Shkreli
Eduard  Shalsi 
Xhemal  Qefalia 
Dashamir  Peza 
Ilir Gjoni 
Artan Gaçi 
PD 15 deputetë
Sali Berisha 
Aldo  Bumçi 
Rajmonda Bulku 
Bujar Nishani 
Majlinda Bregu 
Gerti Bogdani 
Gent  Strazimiri 
Florian Mima 
Ilir Rusmali
Myqerem Tafaj 
Luan  Skuqi 
Tritan Shehu 
Viktor Gumi 
Arben  Imami 
Lajla  Pernaska 
PR 1 deputetë
Fatmir Mediu
LSI 1 deputetë
Ilir Meta

Qarku Vlorë
PS 6 deputetë
Arben Isaraj 
Luiza Xhuvani 
Arben  Malaj 
Shpëtim Idrizi 
Eltar  Deda 
Fatmir Toçi
PD 4 deputetë
Astrit Patozi 
Ardian  Kollozi 
Leonard  Demi 
Kreshnik Çipi
PDI  1 deputet
Dashamir Tahiri 
PBDNJ 1 deputet
Vangjel Dule