ELBASAN - Pasioni i djalit të Kryeministrit Edi Rama për fotografinë është diçka që ai e ka treguar shpeshherë. Gregor Rama kësaj rradhe ka rënë në sy të tifozëve të shumtë në stadiumin ‘Elbasan Arena’ si fotoreporter.
Në ndeshjen e Kombëtares shqiptare me Danimarkën që përfundoi me rezultatin 1 me 1, Gregori ishte një fotograf që përjetonte emocionet nga rreshti i parë.
Ndërkohë që i ati i tij, Kryeministri Rama ishte në tribunën VIP së bashku me bashkëshorten Lindën duke ndjekur Kombëtaren, Gregu po perfeksiononte pasionin e tij për fotografinë. Ai qëndronte së bashku me kolegët e tij fotoreporterë duke fiksuar momentet më të bukura dhe më kulminante të ndeshjes.
Dhe këtë pasion, Gregor Rama e ka treguar duke marrë pjesë në disa ekspozita të artit fotografik.
(Në foto, Gregor Rama si fotoreporter gjatë ndeshjes Shqipëri-Danimarkë)
(v.gj/shqiptarja.com)
