Nga Mark Nika / Avokat, Xhaxhai i Aleks Nikës vrarë nga Garda e Republikës në 21 janar


Në vëmendje të:


Presidentit të Republikës, zotit Bamir Topi, Prokurores së Përgjithshme, zonjës Ina Rama, Ambasadorit të SHBA-së, zotit Aleksandër Arvizu, Ambasadorit të BE-së, zotit  Ettore Sekui


 


 


 


 


Pak  ditë pas përvjetorit të parë të  masakrës së  21 janarit 2011  u njohëm edhe ne, familarët e Aleks Nikës, me rezultatet e ekpertizës së FBI-së në lidhje me vrasjet dhe plagosjet e asaj ditë të zezë.


E kemi  ditur qysh ditën e  parë, e kemi thënë  e shkruar  vazhdimisht  në media se Aleksi, ashtu sikurse  Hekruan Deda, Faik Myrtaj dhe Zever Veizi  që ranë bashkë me të,  u vranë pa asnjë faj, pa shkelur asnjë ligj,  pa kërcënuar  jetën e askujt, pa  prishur një degë pemë. U vranë vetëm se  morën pjesë në një demostratë  të ligjshme,  të thirrur nga opozita legale shqiptare.


Por  prapseprapë përfundimet e ekspetizës së FBI-së  janë  shokuese. Nga kjo ekspertizë ka dalë  përfundimisht se armët vrastare të gardës së Sali Berishës  janë shkrehur mbi njerëzit si në masakrat terroriste. Për hesapet e atyre që kanë tërhequr gishtin dhe të atyre që kanë urdhëruar të hapet zjarr  në kundërshtim flagrant me ligjet shqiptare dhe konventat ndërkombëtare, ku Shqipëria ka aderuar sot do të ishin  në zi  bashkë me ne edhe  familjet e protestuesve të  plagosur.


Është i përbindshëm krimi i 21 janarit. Por shumë pikwpyetje që na kanë munduar gjatë gjithë  këtij viti si familje kanë filluar të marrin përgjigje. Kush na vrau? Kur na vra? Pse na vrau?  Po presim me padurim që Prokuroria të shprehet me aktakuzë dhe drejtësia të thotë  fjalën e vet me gjithë rreptësinë e ligjit. Kemi qenë e jemi të  vendosur për  drejtësi sipas ligjeve. I njohim edhe ne ligjet, po shyrtojmë me vemendje provat që po dalin. Nuk do të lejojmë dhe nuk do të pajtohemi kurrë me një drejtësi sa për të kaluar radhën, me gjysëm drejtësie.


Si familjarë të Aleksit, si shtetas dhe si njerëz jemi të shokuar  jo vetëm nga  vrasjet , por  edhe më shumë nga përpjekjet  banditeske  për të fshehur gjurmët e krimit, duke ndërrur tytat e armëve  apo duke fshirë filmimet  e 21 janarit nga serveri i kryeministrisë.


Me ketë që kanë bërë me fshehjen e provave  na kanë vrarë dy herë. I thonë vetes heronj të ligjit, kur në fakt ishin dhe janë dhunuesit më të egër të tij. Ekspertiza FBI-së ua hoqi maskat. Kjo ekspertizë i tregoi gjithë botës se vrasjet e 21 janarit janë një krim i pastër qeveritar. Kjo ekspertizë  dhe hetimet  e  Prokurorisë shqiptare zhbllokuan  dhe futën më në fund  në drejtimin e duhur hetimet e sabotuara  gjatë gjithë vitit nga Sali Berisha me klikën e tij.


Familja  Nika falenderon  grupin  e prokurorëve në veçanti Prokuroren e Përgjithshme, zonjën Ina Rama. Vendosmëria  e tyre na jep shpresë së drejtësia që kërkojmë do të bëhët. Për arsye të kuptueshme  unë  si xhaxhai i Aleksit, që kam folur e shkruar shpesh në media, kam shprehur  rezevat e familjes sonë për zvarritjen e hetimeve nga Prokuroria. Kësaj rradhe  kërkesa jonë  ndaj Prokurorisë është  të mos ndalet për asnjë çast dhe për asnjë arsye nga zbaitmi i ligjit ndaj  cilindo që ka dorë në  mënyrë direkte  dhe indirekte në  vrasjet  e 21 janarit dhe mandej në  fshehjen  e provave të këtij krimi  shumë të rëndë.


Familja  jonë  ka  falenderimet dhe mirënjohjen  e thellë për  Shtetet e Bashkuara të Amerikës, qoftë për ekpertizën e FBI-së si shërbim i specializuar,  qoftë  për mbështetjen e pakursyer që i kanë dhenë  e po i japin Prokurorisë  shqiptare  nepërmjet  përfaqësuesit të tyre  më të lartë në Tiranë,  ambasadorit të  nderuar Aleksandër Arvizu. Kemi bindjen se familjet e të vrarëve të tjerë  dhe mbarë populli shqiptar kanë të njëjtin falenderim.


Pa mbështetjen  e fuqishme  të Shteteve të Bashkuara të Amerikës  dhe  vendeve të tjera  perendimore, e vërteta e 21 janarit do të  kishte mbetur në rrugë  pa krye. Pa këtë  mbështjeje  21 janari nuk do të zbardhet deri në  fund dhe drejtësia nuk do të bëhët.  Sepse kundërshtari më i madh i zbardhjes ligjore të vrasjeve të 21 janarit është kryeministri Sali Berisha. Ne familjarët e të vrarëve të asaj dite e kemi marrë vesh me kohë këtë. Tani e kanë marrë vesh gjithë shqiptarët, gjithë bota.


Sot,  që e  vërteta  ka nisur të dalë më në fund në dritë, ne denoncojmë me forcë përpjekjet  e këtij kryeministrit  për të  penguar përsëri hetimet permes presioneve dhe kercënimeve  që i drejton Prokurores së  Përgjithshme, zonjës Ina Rama apo  me paralajmërimet  se do të hetojë të vrarët,  siç  tha në  një media se do të hetojë vëllanë e Ziver Veizit. Sali Berisha vazhdon të ngatërrojë detyrat.  Po të këtë prova për të vrarët, për opozitën dhe për këdo ai  ka për detyrë ti çojë në Prokurori, të kërkojë ekpertizë nga FBI për provat e tij e tjerë. Por ai duhet ta harrojë se është e do të jetë ndonjëherë prokururi i 21 janarit. Ai është palë në tragjedinë e 21 janarit.  Ai është subjekt hetimi dhe jo prokuror. Koha që Sali  Berisha të përgjigjet  para ligjit se kush dha urdhër për të hapur zjarr mbi qytëtarët e pafajshëm, pse e pengoi  drejtësinë të vepronte, pse  u fshinë filmimet, kush i ka kopjet e filmave që janë kopjuar nga serveri i kryeministrisë, ka ardhur.  Sali Berisha nuk mund të mos hetohet.


Le të shpallë heronj të oborrit të tij secilin prej doracëve të 21 janarit, por duhet ta dijë  se vetëm thellon  borxhet ligjore dhe morale ndaj  tragjedisë së 21 janarit.  E kanë vënë re të gjithë  se si mundohet të gjejë ndonjë shteg, siç di ai, për të vënë  në diskutim  ekspertizën e FBI-së.  Për të bërë atë që bënë me videon e Metës. Kjo është  një lojë  e rrezikshme, por edhe e pamundur. Ekpertiza e FBI-së është kërkuar ligjërisht nga institucionet  e shtetit shqiptar. Kjo është ekspertiza e një shërbimi nga më të kualifikuarit në botë.  Për ne si familje ekspertiza e FBI-së është vetë e vërteta e 21 janarit në lidhje me armët  e përdorura, plumbat e gjuajtur  dhe  autorët e vrasjeve.


Në vazhdën e përpjekjeve për të rrumbullakosur 21 janarin janë edhe deklaratat e ditëve të fundit të  ish-ministrit të Brëndshëm Lulëzim Basha  në  vizitën e tij në Uashingron si kryebashkiak i Tiranës. Nuk e shfajëson Bashën përgjigja sferike që dha  pas një viti për të vrarët e pafajshëm.  Basha ka qenë  me 21 janar 2011  Ministër i Brendshëm. Ne e kemi konsideruar dhe e konsiderojmë përgjegjës  menjeherë pas Berishës. Ai duhet të  merret ne pyetje  nga Prokuroria. Nëqoftese ndjehet i pafajshëm, duhet të shkojë të dëshmoje dhe ta provojë këtë para organeve të drejtësisë.


Një fjalë për të akuzuarit e deritanishëm. Kanë bërë një krim sipër krimit duke ndërruar tytën e  njërës prej armëve vrastare. Kanë bërë një krim para ligjit dhe para nesh duke fshirë  filmat nga serveri i kryeministrisë. Pse e kanë bërë këtë? Përgjigjet  do  ti marrim nga hetimi penal i Prokuririsë.  Urojmë të jenë përgjigje të vërteta që  nuk  e rëndojnë por  e lehtësojnë sadopak pozitën e tyre.


 


Mark Nika


Avokat