Prej dhjetorit, pranë fshatit Belushya Guba janë parë rreth 52 të tillë. Qëndrojnë në kazanët e plehrave, por janë rrezik për banorët, para së gjithash për fëmijët. Shkaku? Ngrohja globale


Në çdo sezon dimëror, në ishujt rusë të Novaya Zemlya, të gjithë duhet të kenë kujdes ndaj arinjve polarë që janë afër qendrave të popullsisë. Por këtë vit bën përjashtim, aq shumë saqë administrata vendore ka deklaruar gjendjen e jashtëzakonshme.


Që nga dhjetori, dhjetëra arinj të bardhë janë përgjithmonë në afërsi të fshatit Belushya Guba dhe në këto ditë janë parë pesëdhjetë e dy të tillë. Ata qëndrojnë te plehrat, madje hyjnë në korridoret e ndërtesave. Një situatë me rrezik të madh për të rriturit dhe mbi të gjitha për fëmijët.


Kafshët, shpesh tre metra të gjata dhe që peshojnë madje pesëqind kilogramë, mund të bëhen shumë agresive. Ndryshimet në habitatin e tyre të shkaktuara nga ngrohja globale e kanë bërë shumë të vështirë për to të gjejnë ushqim, veçanërisht fokat.


Kjo është arsyeja pse ata lëvizin drejt zonave të banuara. Arkipelagu Novaya Zemlya është një nga rajonet më veriore të globit me vendbanimet njerëzore. Ishujt janë të vendosura në Detin e Barentsit, përtej Rrethit polar Arktik.


Për një kohë të gjatë ata u përdorën si një poligon për testet e bombave bërthamore sovjetike. Në vitin 1961 shpërtheu bomba më e fuqishme H në historinë e njerëzimit. Me 58 megatonët e saj, ajo u pagëzua si “bomba Zar”, mbi tre mijë e pesëqind herë me fuqinë e pajisjes së nisur në Hiroshima në vitin 1945.


Nuk ka më shumë se 31,000 arinj të bardhë në botë dhe numri i tyre po bie vazhdimisht: deri në vitin 2050, sipas WWF, ato mund të reduktohen me 30 për qind. Për këtë arsye arinjtë janë një specie e mbrojtur dhe madje edhe në Rusi është e ndaluar që të qëllohet ndaj tyre.


Agjencia për Mbrojtjen e Natyrës, gjithashtu, ka ndaluar këtë rast të veçantë për të gjuajtur kafshët dhe për të dërguar katër ekspertë, të cilët duhet të jenë në gjendje të përballojnë situatën e veçantë. Këto janë gjitarë të fuqishëm, por në realitet ato vetëm rrallë sulmojnë njeriun: prej vitit 1870 deri në vitin 2014 janë regjistruar 73 sulme të konfirmuara, me njëzet vdekje.


Por 20% e të gjitha sulmeve kanë ndodhur në katër vitet e fundit të periudhës në shqyrtim. Kjo duket të thotë se me përkeqësimin e habitatit të tyre,  arinjtë bëhen më agresivë edhe ndaj njeriut.


Gazeta Shqip