gjon juncajMungesa e dy avokatëve të ish-gjyqtarit të Sarandës, Rasim Doda, u bë shkak për debat mes të pandehurit dhe relatorit të çështjes, në Gjykatën e Krimeve të Rënda.

Gjykatësi Bib Ndreca i kërkoi Dodës të shprehej nëse ishte dakord që procesi të vijonte pa praninë e mbrojtjes, por i pandehuri hodhi akuza të forta ndaj Prokurorisë së Krimeve të Rënda, se kishte manipuluar provat.

Prokurori e akuzon ish-gjyqtarin e Sarandës, se në këmbim të vendimit në favor të shtetasit Hasan Bushi, ai i ka kërkuar 8 milionë lekë.

Seanca këtë radhë është ndjekur nga afër edhe nga prokurori federal, shqiptaro-amerikan, Gjon Junçaj.

Duket se për këtë arsye për herë të parë kamerat janë lënë gjatë gjithë kohës brenda në sallë.

Ndërkohë vetë prokurori i huaj nuk pranoi të komentonte zhvillimet ne gjyq.

Ndërkohë, një ditë pasi katër krerë prokurorish dhanë dorëheqjen, kreu i organit të akuzës Adriatik Llalla flet për një rifreskim të stafit drejtues.

Llalla është shprehur se ndryshime në disa nivele të prokurorisë vijnë si nevojë për përmirësim të rezultateve. Disa prej tyre, ka vijuar kryeprokurori ndodhen prej vitesh në poste drejtuese.

"Gjithashtu, riformatim pritet te kete edhe ne Prokurorine e Pergjithshme. Riorganizimi do te realizohet ne disa faza, ku fillimisht po shqyrtohen mundesite ne ato njesi te Prokurorise, ne te cilat vleresohet se ka nevoje per nderhyrje ne nje kohe sa me te shpejte. Prokuroria e Pergjithshme, pas analizave vjetore te zhvilluara ne fillim te vitit 2016, ka krijuar nje pamje te qarte mbi problematikat e aktivitetit. Ne perfundim, eshte vleresuar si domosdoshmeri rifreskimi i nje pjese te struktures se Prokurorise, proces i cili pritet te realizohet periodikisht ne ditet dhe javet e ardhshme", tha Llalla.

Një ditë më parë, krerët e prokurorisë së Tropojës, Dibrës, Përmetit dhe Lezhës dhanë menjëherë dorëheqjen nga postet e tyre.