Ne fund te dites se pare te konsultimeve Kryeministri i mandatuar italian Enrico Letta nuk ka arritur asnje rezultat. Ai deklaroi se diten e premte do ja kushtoje reflektimit per te vleresuar a ekzistojne kushtet per te pranuar formimin e qeverise dhe per t’u prezantuar ne Parlament per votbesim.
Enrico Letta takoi te gjithe drejtuesit nga forcat politike, ne kerkim te nje kompromisi. Nga deklaratat e dhena, duket se subjektet kryesore politike te vendit, qendra e majte dhe e djathte, po impenjohen konkretisht per te dale nga ngerci politik ne te cilin shteti ka rene pas zgjedhjeve te shkurtit, duke mbeshtetur Letten.
Berlusconi tha se nuk propozoi emra konkrete per qeverine e re por vetem parimet e forces politike qe drejton, te sintetizuara ne 8 pika. Ndersa kryebashkiaku i Firences dhe nje nga emrat me te rendesishem te se majtes Matteo Renzi, i jep mbeshtetje te plote te perzgjedhurit.
Beppe Grillo vazhdon te mbaje qendrim kritik ndaj Lettes, por Levizja 5 Yjet ka pranuar gjithsesi te marre pjese ne konsultime, duke theksuar se nuk do mbeshtese nje pakete premtimesh, por propozimet konkrete per ligje qe do behen ne Parlament.
Nese Letta merr persiper formimin e qeverise se re, ajo do prezantohet para dhomes se ulet te parlamentit italian diten e hene, dhe para senatit diten e marte.
