Java e 25-të e Kategorisë Superiore ofron përballje interesante për dy bashkëkryesuesit e deritanishëm të sezonit, Tirana e Vllaznia (të dyja me nga 45 pikë) synojnë fitoret para publikut të tyre. “Albania-sport.com” paraqet ndeshjet, gjyqtarët dhe statistikat e tyre me çiftet që do të gjykojnë këtë fundjavë.



TIRANA-APOLONIA

Lorenc Jemini (13 ndeshje) është “xhaketa e zezë” e Tirana-Apolonia. Gjyqtari i Kolegjiumit të Tiranës ka drejtur më parë: Tirana-Vllaznia (1-1) dhe Dinamo-Tirana (2-4). Asnjë precedent të mëparshëm me Apoloninë.



VLLAZNIA-FLAMURTARI

Enea Jorgji (1 ndeshje të gjykuar gjatë këtij sezoni) është i përzgjedhuri i shortit për takimin Vllaznia-Flamurtari. Në ndeshjen e vetme të tij të edicionit 2008-2009 ka gjykaur Vllaznia-Bylis (0-0, java 23).



DINAMO-ELBASANI

Kridens Meta (15 ndeshje) do të gjykojë sfidën tërheqëse Dinamo-Elbasani. Vetëm një herë i ka gjykuar blutë në takimin Dinamo-Vllaznia (1-1, java 6) dhe po një herë verdheblutë në ndeshjen Flamurtari-Elbasani (0-1, java 2).



SHKUMBINI-PARTIZANI

Aranit Lulaj (5 ndeshje) është “bilbili” i çiftit Shkumbini-Partizani. Shkumbinin e ka drejtuar dy herë: Shkumbini-Apolonia (2-0) dhe Tirana-Shkumbini (2-0). Partizanin e ka drejtuar vetëm nga një herë: Teuta-Partizani (0-0).



BESA-TEUTA

Elvis Peza (10 ndeshje) do të drejtojë derbin bregdetar Besa-Teuta. Gjyqtari i kolegjiumit të Tiranës ka drejtuar Besa-Bylis (3-0) dhe Besa-Lushnja (0-0). Edhe Teutën e ka drejtuar dy herë: Teuta-Flamurtari (1-0) dhe Vllaznia-Teuta (2-1).



LUSHNJA-BYLIS

Remzi Sadiku (4 ndeshje) ka “shansin” të drejtojë sfidën e mbijetesës së dy vendeve të fundit të Superligës. Elbasanasi Sadiku ka drejtuar më parë ndeshjen Apolonia-Bylis (1-0, java 19) dhe Vllaznia-Lushnja (2-0, java 21).



KATEGORIA SUPERIORE

JAVA 25

21.03.2009, ora 15:30





Tirana-Apolonia (L.Jemini)

Vllaznia-Flamurtari (E.Jorgji)

Dinamo-Elbasani (K.Meta)

Shkumbini-Partizani (A.Lulaj)

Besa-Teuta (E.Peza)

Lushnja-Bylis (R.Sadiku)





Lojtarët e pezulluar

• Shkumbini – Cvete Deliovski (2v1k)

• Besa – Herby Fortunat (3v)

• Flamurtari – Roberto Alviz (2v1k)

• Bylis – Klevis Dalipi (3v), Polizoi Arberi (3v)

• Tirana – Tefik Osmani (3v), Migen Memelli (3v)

• Dinamo – Fatjon Sefa (3v)





KATEGORIA E PARË

JAVA 23

21.03.2009, ora 15:30

Gramozi-Ada (S.Bogdani)

Skënderbeu-Besëlidhja (B.Ziri)

Pogradeci-Naftëtari (A.Kastrati)

Turbina-Sopoti (E.Sino)

Skrapari-Bilishti (L.Alla)

Kastrioti-Luftëtari (A.Beqiri)

22.03.2009

Dajti-Laçi (A.Janku)







20 Mars 2009