Nga Kreshnik SPAHIU


Unë nuk kam besuar kurrë që Sokol Olldashi është vrarë. Kam qenë kundër spekulimeve mbi një atentat dhe kam besuar versionin e aksidentit.


Unë Sokolin dhe miqtë e tij i kam pasur rival politik dhe madje jam sulmuar ashpër nga grupi i tij. Kishim një miqsi familjare me Sokolin dhe njerëzit e tij të afërt por ata nuk e kapërdin dot lëvizjen kuqezi dhe protestat që unë organizova për të rrëzuar Berishën nga pushteti. Ata nuk patën forcën që të ndajnë miqësinë personale dhe ndarjet ideologjike por unë dua ti hedh pas të gjitha sharjet dhe të jem sot ngushëllues në funeralin kolektiv. Ata dje u vranë më keq se Sokol Olldashi, pasi u hodhën si kufoma në mes të rrugës që ti shqyejnë egërsirat dhe ti mbuloi balta, mbi të cilën duhet të mbijë Luzimi i familjes Berisha.


I ndjeri miku dhe kundërshtari im Sokol Olldashi, sot bisha vrau çdokënd që të qëndroi pranë. Dikur u kacafytëm së bashku se ti e mbrojte me gjoksin tënd por besprerja dhe mos-mirënjohja ka pushtuar tokën ku prehesh. 5 vjet më parë ike i vetëm por sot të gjithë ata janë viktima të besnikërisë tënde. I këputi një e nga një ashtu siç e ka zakon ai, në pritën e tradhtarit.


Ngushëllime Sokol Olldashi për vrasjen e:


1- Arben Ristanit


2- Keltis Krujes


3- Jozefina Topallit


4- Arben Imamit


5- Ridvan Bodes


6- Mesila Dodës


7- Genc Rulit


8- Sherefedin Shehut


9- Astrit Patozit


10- Majlinda Bregut


11- Igli Cara


…….etj etj etj


Më vjen keq që lista funerale është shumë më e gjatë dhe që të gjithë të vrarë në kulmin e karrierës. U vranë jo nga armiku por nga krye-miku me thikë pas shpine. U vranë atëherë kur opozita duhet bashkohej dhe jo të copëtohej. Ata sishin miqtë e mi por besonin fort tek ti. Ende nuk e dimë mirë si vdiqe ti, por jemi të sigurt që shokët e tu u eliminuan dhe u vranë politikisht vetëm se nuk të harruan ty.


Lamtumirë kundërshtari im i vjetër!


Sokol Olldashi nuk je vetëm.