Kremlini zyrtar ka mohuar se shërbimet sekrete ruse  zotërojnë informacione komprometuese për presidentin e zgjedhur amerikan, Donald Trump.


Zëdhënësi i Kremlinit tha se akuzat  janë sajesa dhe përpjekje e qartë për të dëmtuar marrëdhëniet mes dy vendeve.


Nga ana e tij. Donald Trump i ka hedhur poshtë këto pretendime. Lajme të rreme. Gjueti e vërtetë shtrigash, shkroi në Twitter Trump.


Sipas raportimeve të disa mediave të zëshme në SHBA dhe Britani, Rusia zotëron pamje me pullë të kuqe, ku Donald Trump është protagonist në akte seksuale perverse me prostituta.


Raportohet se materialet janë të siguruara nga një ish-agjent britanik dhe janë regjistruar në dhomën e një hoteli në Moskë.


Të gjitha këto raportime u hodhën poshtë më parë edhe nga vetë Presidenti i zgjedhur amerikan.


11 janar 2017 (gazeta-Shqip.com)