Kryetari i bashkisë: Ka pasur shpërthime edhe më parë, por ne nuk e kontrollonim dot fabrikën

Flet kryetari i Bashkisë, Vorë, Fiqiri Ismaili
SSSASS
Keni qenë në dijeni për çka ndodhte në fabrikën e çmontimit në Gërdec?
SSSASS
Reparti ushtarak është në pronësi të Ministrisë së Mbrojtjes. Ne si pushtet vendor nuk kemi asnjë kompetencë, as për ta kontrolluar dhe as për t’i dhënë leje për ushtrimin e çdo aktiviteti. Pra, gjithçka bëhej atje, bëhej me vendim të Ministrisë së Mbrojtjes.
SSSASS

Si kanë qenë kushtet e sigurisë në fabrikë?
SSSASS

Ne si pushtet vendor nuk kemi asnjë informacion për sa u përket kushteve dhe masave të sigurisë që kishte ajo firmë. Ne nuk kemi as ekspertë të fushës për të përcaktuar se me çfarë masash sigurie operohej atje. Pra, vetëm organet kompetente dhe të specializuara mund të përcaktojnë se me çfarë masash operohet, sepse ky ishte një aktivitet i rëndësisë së veçantë, nuk ishte aktivitet i zakonshëm.
SSSASS

Ka pasur shpërthime edhe më parë?
SSSASS

Po, është e vërtetë. Ka pasur shpërthime edhe më parë, por kanë qenë shpërthime të vogla, sporadike. Këto të fundit kanë qenë shqetësim për qytetarët, por duke qenë të vogla, gjithmonë tendencat e qytetarëve ishin se s’do të kishte më.
SSSASS

Është bërë ndonjë llogaritje sesa shkon dëmi, pra bilanci i dëmit?
SSSASS

Dëmet janë të mëdha. Ne kemi ngritur dhjetë grupe pune në terren për të bërë evidentimin e saktë të të gjitha dëmeve të shkaktuara nga kjo tragjedi dhe shumë shpejt do të dalë një faturë financiare, që do të gjendet nga ky grup i punës.