Ish-kryetari i Partise Socialiste, Fatos Nano, i perjashtuar dhe nga koalicioni i ri “E Majta per Integrim”, duke mos gjetur vend ne kete menyre as ne levizjen e iniciuar nga Meta. Nese kohe me pare, ishte kryetari socialist, Edi Rama, i cili e perjashtoi paraardhesin tij nga projekti i ri i PS-se, tashme dhe Levizja Socialiste per Integrim nuk qas prane saj ish-liderin socialist, Nano. Edhe pse nga ky i fundit nuk ka pasur ndonje sinjal per t’iu bashkuar koalicionit te ri opozitar, LSI i paraprin ketij momenti, duke e perjashtuar ne menyre kategorike nje bashkim te tille. Keshtu, sekretari i Pergjithshem i LSI-se, Petrit Vasili, ndalur ne kete ceshtje, u shpreh se “LSI deklaron se levizja jone parimore per voten e lire nuk ka asnje lidhje me qellimet e ngushta te Fatos Nanos, i cili mban po aq pergjegjesi sa lidershipi aktual i PS per situaten konfliktuale brenda se majtes”. Njekohesisht, Vasili nuk vonoi qe te beje pjese te politikes se vjeter dhe Ramen, duke iu bashkuar keshtu, dyshes Nano-Berisha.
“LSI shpreh keqardhjen qe Rama u fut ne llogoren e politikes se vjeter dhe destruktive Nano-Berisha, ne dem te interesave te elektoratit te majte shqiptar dhe fitores se te majtes ne zgjedhjet e ardhshme”, vleresoi Vasili, duke krijuar ne kete menyre nje treshe te re perfaqesuese e se vjetres. Duke qene se nje situate e tille brenda te majtes u krijua sipas Vasilit, pikerisht nga qendrimi qe po mban kreu i selise roze, LSI i beri thirrje lidershipit te PS te heqe dore nga ortakerite e pandershme me Berishen, te largohet nga interesat personale dhe te vendose mbi cdo gje interesat e vendit. Nga ana tjeter, Vasili, referuar deklarates me te fundit te PS-se, per nje sistem proporcional rajonal, theksoi se “LSI konfirmon dhe njehere qendrimin e saj te palekundur se nuk hyn ne asnje marreveshje me subjekte apo faktor politik qe kerkojne te mbeshtesin sisteme zgjedhore qe cenojne voten e lire dhe deformojne vullnetin e popullit shqiptar”.
Duke shtuar dozen e akuzave, sekretari i Pergjithshem i LSI-se vuri ne dukje se “pazaret e diteve te fundit te artikuluara nga eksponente te majte qe kane qene arkitekt te deformimeve te vazhdueshme te zgjedhjeve ne vend rrezikojne seriozisht procesin e integrimit ne NATO”. Sipas tij, kioalicioni “E Majta per Integrim” do te mbroj me cdo kosto interesat e se majtes dhe do integroj gjithe faktoret qe deshirojne fitoren e se majtes ne 2009. Gjithashtu, Vasili pershendeti qendrimin e PAD dhe PDS, te cilat jane shprehur ne mbeshtetje te nismes se LSI-se.
Nano
“Levizja jone parimore per voten e lire nuk ka asnje lidhje me qellimet e ngushta te Fatos Nanos, i cili mban po aq pergjegjesi sa lidershipi aktual i PS per situaten konfliktuale brenda se majtes. LSI shpreh keqardhje qe Rama u fut ne llogoren e politikes se vjeter dhe destruktive Nano-Berisha, ne dem te interesave te elektoratit te majte shqiptar”
Thirrja
“LSI i ben thirrje lidershipit te PS te heqe dore nga ortakerite e pandershme me Berishen, te largohet nga interesat personale e te vendose mbi cdo gje interesat e vendit. Konfirmojme dhe njehere qendrimin e palekundur se s’hyjme ne asnje marreveshje me subjekte apo faktore politike qe kerkojne te mbeshtesin sisteme zgjedhore qe cenojne voten”
Aleancat
“LSI pershendet qendrimin e te gjitha forcave politike qe jane shprehur ne mbeshtetje te qendrimit tone parimor, ne vecanti PDS dhe PAD, dhe garantojme votuesit shqiptar se do te vazhdojme te ndergjegjesojme gjithe faktoret e tjere politik per t’u bere barrikade ndaj tentativave djallezore dhe te fshehta te politikes se vjeter te lidershipit PD-PS”
