sultanYjet e Hollivudit kanë vendosur të bojkotojnë një nga hotelet më të njohur në këtë zonë, por edhe në mbarë botën.


Bëhet fjalë për Beverly Hills Hotel.


Shkaku është miratimi i ligjit islamik të sharias nga qeveria e Bruneit.


Sulltani i këtij vendi ka në pronësi këtë hotel dhe disa të tjerë në SHBA e nëpër botë.


Tani yjet e Hollivudit si Jay Leno dhe Ellen DeGeneres kanë nisur një fushatë për të bojkotuar këtë hotel dhe çdo gjë në pronësi të Bruneit.


Edhe këshilli bashkiak i Beverly Hills e ka dënuar miratimin e këtij ligji nga Brunei.


Sipas sharias, ata që kapen duke tradhtuar dhe homoseksualët do goditen me gurë derisa të vdesin.


Më herët ishte miliarderi Richard Branson që deklaroi se ai dhe punonjësit e tij nuk do shkojnë më në këtë hotel, derisa sulltani tu bindet të drejtave themelore njerëzore.


Shumë organizata kanë anuluar aktivitetet në këtë hotel.


Por një zyrtar i rrjetit Dorchester Collection tha se kjo protestë duket hipokrizi, pasi ka shumë hotele të tjera në pronësi të vendeve me skandale më të rënda në fushën e të drejtave të njeriut.