ELBASAN - Kryetari i Levizjes Socialiste per Integrim, Ilir Meta dhe perfaqesues te partive te djathta kane zhvilluar dje pasdite takime ne qytetin e Elbasanit, ku eshte bere dhe prezantimi i kandidatit te koalicionit "Aleanca per Qytetarin", Durim Hushi. Ne Elbasan merrnin pjese kryetari i LSI, Ilir Meta, ministri i Mbrojtjes dhe deputeti i Partise Demokratike, Arben Imami, deputet e PD, Luciano Boci dhe Ardian Turku, kryetari i Partise per Drejtesi Integrim dhe Unitet, Shpetim Idrizi, kryetari i Partise Levizja e Legalitetit, Ekrem Spahia, si dhe drejtues vendore te partive qe bejne pjese ne koalicion. Ne fjalen e tij, gjate takimit, kreu i LSI-se, Meta ka theksuar se koalicioni do te funksionoje me se miri ne keto zgjedhje, "per t'u dhene qytetareve nje alternative per me shume mireqenie". Meta ka theksuar se koalicioni "eshte zgjidhja e duhur qe i duhet vendit dhe se fati i Elbasanit do te jete ne dore te bashkeqeverisjes me aleatet e Aleances per Qytetarin". Kreu i LSI-se vleresoi pozitivisht kandidaturen e koalicionit ne kete qytet, Durim Hushi. Ai u shpreh se personaliteti dhe puna e Hushit ne politike, si dhe mbeshtetja e koalicionit, do te bejne te mundur qe qyteti i Elbasanit te kete nje drejtues te suksesshem. "Z.Hushi si kryetar i ri i Bashkise se Elbasanit do te integroi vlerat me te mira te Elbasanit si dhe do i kthej dinjitetin e munguar ketij qyteti", tha dje kreu i LSI-se gjate fjales se tij. Meta u ndal edhe ne rendesine qe kane zgjedhjet vendore per gjithe vendin. Ai shtoi se keto zgjedhje jane administrative dhe jo politike. "Kjo do te thote, qe keto zgjedhje kane te bejne me problemet te ndryshme si me permiresimi i infrastruktures, ato qe kane te bejne me shendetin e femijeve dhe te cdo qytetari, qe kane te bejne me ambientin, kanalizimet, administrimin e mbetjeve te ndryshme, qe kane te bejne me hapesirat e gjelbra, me kendet per femijet sepse gjithmone e me pak eshte menduar per to dhe probleme qe kane te bejne edhe me shume probleme te tjera sociale te perditshme, pra kane te bejne me jeten e qytetareve", tha dje Meta. Ai shtoi se bashkeqeverisja eshte zgjidhja e duhur qe i duhet vendit dhe se fati i Elbasanit do te jete ne dore te bashkeqeverisjes me aleatet e Aleances per Qytetarin. Ne takimin e Elbasanit doli dhe deputeti i PD-se, Arben Imami, i cili vleresoi profilin e kandidatit Hushi. "Z. Durim Hushi ashtu sikurse eshte nje njeri i shkelqyer do te jete dhe nje kryebashkiak i shkelqyer sepse sipas tij, z. Hushi ka qene gjithmone ne sherbim te qytetit te tij te Elbasanit", tha Imami. Mbeshtetje per kandidatin e Aleances eshte dhene dhe nga Kryetari i PDIU-se, Shpetim Idrizi, i cili duke vleresuar rolin dhe kontributin e z. Hushi per qytetin e Elbasanit, si ish-Prefekt dhe deputet i ketij qyteti. "Me kandidimin e z. Hushi nuk eshte vetem e sigurte fitorja e koalicionit por edhe dinjiteti dhe vlerat e pa zevendesueshme te qytetit te Elbasanit", tha Idiriz.
Hushi: Do te punoj per qytetaret
Ne takimin e zhvilluar dje ne qytetin e Elbasanit, kandidati i koalicionit qeverises Durim Hushi deklaroi se moto e punes se tij do te jete sherbimi ndaj qytetareve. Duke falenderuar perfaqesuesit e koalicionit per mbeshtetjen e tij ne keta kandidim, ka theksuar se motoja gjate fushates do te jete "me qytetarin dhe per qytetarin".
