Zevendeskryeministri dhe ministri i Puneve te Jashtme, Ilir Meta priti dje ambasadore te akredituar ne Tirane, per te diskutuar ne lidhje me marredheniet dypaleshe mes Shqiperise dhe vendeve qe ata perfaqesojne. Ne kete kuader Meta priti Ambasadorin e Malit te Zi ne Shqiperi, Zeljko Perovic. Ne takim u shqyrtuan perparimet e bera ne fusha te ndryshme te bashkepunimit, vecanerisht ne fushen e infrastruktures turistike. Po keshtu, u theksua nevoja e permiresimit te rrugeve ne te dy anet e kufirit. Ministri i Jashtem, Meta priti edhe ambasadorin e Indonezise ne Shqiperi me rezidence ne Sofie, Immanuel Robert Inkiriwang. Gjate takimit, Meta solli ne vemendjen e pales indoneziane, ceshtjen e pavaresise se Kosoves, si nje realitet te ri politik dhe stabilizues ne rajon. Ambasadori Inkiriwang, e ftoi Meten per nje vizite zyrtare ne Indonezi, e cila pritet te konkretizohet gjate vitit 2010 me nenshkrimin e disa marreveshjeve bilaterale qe jane ne proces. Po dje, Meta priti edhe ambasadorin e Republikes Popullore te Kines ne Shqiperi, Wang Junglin. Marredheniet tradicionale miqesore mes dy vendeve, thellimi i bashkepunimit ekonomik dhe vizita e ardhshme e zevendeskryeministrit kinez ne Tirane, ishin ceshtjet kryesore qe u diskutuan gjate ketij takimi.
