Kitaristi kosovar Drilon Çoçaj nga nesër do të nis turneun koncertal nëpër disa qytete të Kosovës. Pikëndalesa e parë do të jetë qyteti i Vushtrisë përkatësisht një nga monumentet më të rëndësishme të trashëgimisë kulturore në vend.

Koncerti recital përfshinë vepra nga John Dowland, J.S.Bach, M.M.Ponce dhe Schubert-Mertz. Koncerti i cili do të nis në orën 19:00 është bërë i mundur me përkrahjen e Komunës së Vushtrrisë. Ndërsa ky turne koncertal është iniciative e kitaristit Drilon Çoçaj do të përmbyllet në Prishtinë në kuadër të eicionit të 11-të Festivalit DAM.

Drilon Çoçaj, i lindur në Prizren ka përfunduar studimet për kitarë në Fakultetin e Arteve - Dega e Muzikës në Universitetin e Prishtinës në klasën e prof. Xhevdet Sahatçija. Ka koncertuar në Kosovë, Mal të Zi dhe Gjermani. Është anëtar i Shoqatës së Kitaristëve të Kosovës.