Tashmë jetën e Aleksandër Moisiut aktorit të njohur me origjinë shqiptare, mund të lexohet dhe në gjermanisht. Shkrimtari i njohur Rüdiger Schaper I ka kushtuar një biografi jetës së artistit të madh me titullin Aleksandër Moisiu: Trieshtë, Berlin, Nju Jork, Një legjendë aktrimi e përkthyer në shqip Feride Xh. Berisha. Për herë të parë në këtë libër zbulohen dhe disa letra dashurie të aktorit të pabotuara më parë. Në promovimin e mbajtur në Berlin dy ditë më parë mori pjesë dhe zv/ministri i Kulturës së Kosovës Z. Rexhep Hoti.


Gjatë promovimit ku ishin të pranishëm figura të njohur të kulturës shqiptare në Gjermani, u lexuan pjesë nga libri për aktorin e madh, nga vetë autori Schaper dhe nga përkthyesja Berisha si dhe u sollën para të pranishmëve mendimet e Stefan Zweig-ut dhe Franz Kafka-s për aktorin shqiptar, që karrierën e filloi në Austri e zhvilloi në Berlin, më pas në Nju Jork për ta përfunduar në Trieshtë të Italisë.


Zëvendësministri Hoti me këtë rast falënderoi organizatorët për këtë ngjarje të rëndësishme kulturore që solli në rikujtesë aktorin e madh shqiptar me famë botërore. Ky libër erdhi si projekt i përbashkët i Qendrës Multimedia në Prishtinë, Shtëpisë Botuese PA dhe Traduki.


15 mars 2018 (gazeta-Shqip.com)