TIRANE - Futja e metodave te reja ne punen e Policise se Shtetit kane sjelle dhe rezultatet e tyre, gjate muajve te pare te ketij viti. Burime zyrtare nga Policia e Shtetit, kane bere te ditur se, perdorimi i metodave speciale hetimore nga policia dhe prokuroria, kane ridimensionuar punen e ketyre strukturave ne luften kunder krimit. Me dhjetera operacione te organizuara nga policia ne bashkepunim me prokurorine jane kurorezuar gjate ketij viti, me goditjen e shume grupeve kriminale te trafikut te droges, armeve, klandestineve etj. Po ashtu, ne prangat e ketyre operacioneve kane rene edhe persona te dyshuar per krime te vjetra si, vjedhje me dhune, si dhe funksionare te dyshuar per afera korruptive. Keto operacione jane fryt i hetimeve te shtrira ne kohe dhe hapesire nga strukturat hetimore. Hetimet e hapura ndaj grupeve te krimit dhe eksponenteve kriminale shoqerohen nga policia dhe prokuroria me mbledhje informacionesh ne rruge operative, pergjime, survejime, ekspertiza te shumta si dhe infiltrimet. Hetues ne Tirane vleresojne praktikat bashkekohore hetimore si celes te suksesit ne luften kunder veprimtarive kriminale dhe operacionet e realizuara permes metodave speciale hetimore cilesohen si teper te suksesshme. Disa nga operacionet e realizuara gjate 2008-es ne shkalle vendi, qe kane cuar pas hekurave nje numer te madh jane zhvilluar pikerisht me ane te ketyre metodave speciale.
