adi shkembi

Kur janë numëruar rreth 60% e qendrave të votimit në të gjithë vendin, Partia Demokratike dhe Partia Socialiste janë fare pranë njëra-tjetrës dhe me numër të njëjtë mandatesh. Deri në orën 02:00 të mëngjesit të sotëm PD-ja kryeson me 68 mandate kundrejt 66 mandateve të PS-së, e treta renditet Lëvizja Socialiste për Integrim me 3 deputetë dhe nga një mandat kanë fituar deri tani Partia Republikane, Partia për Drejtësi dhe Integrim dhe Partia Bashkimi për të Drejtat e Njeriut. Nga numërimi i 2893 kutive të votimit nga 4753 kuti që janë gjithsej, dy koalicionet kanë nga 70 mandate parlamentare. Situata e barabartë në të gjithë vendin është reflektuar edhe në Qarkun e Tiranës, më i madhi dhe që çon në parlament 32 deputetë. Partia Socialiste me rezultatet e më shumë se gjysmës së kutive të numëruara, ka fituar 16 mandate deputetësh, ndërsa Partia Demokratike 15 mandate dhe Partia Republikane 1 mandat. Në limitet e pragut të lejuar për të hyrë në parlament, 5 për qind, është Lëvizja Socialiste për Integrim. Ndërkohë qarqet e Fierit, Beratit dhe Elbasanit, të cilët në total kanë 38 mandate deputetësh, kanë ndryshuar disa herë gjatë ditës së djeshme. Kështu në Fier, sipas rezultateve më të fundit PS ka 8 deputetë, PD 7 dhe LSI 1. Për sa i përket Beratit PS-ja ka marrë 5 mandate deputetësh, sipas rezultateve paraprake, PD-ja 2 dhe LSI-ja 1 mandat. Paraditen e djeshme në këtë qark pranë fitimit të një mandati ka qenë edhe PR-ja. Në Elbasan, duket se do të përqendrohet vëmendja më e madhe gjatë ditës së sotme. Sipas rezultateve në orët e para të mesnatës, të dyja këto forca politike kanë nga shtatë mandate. PD-ja shpalli fitoren në Bashkinë e Peqinit, por PS-së i duhen edhe katër për qind më shumë se kundërshtari i saj për të fituar mandatin e tetë në këtë qark, çka do ta zbriste PD-në në numrin 6. Për sa i përket qarkut të Durrësit, rezultatet nga momenti i parë kur ka nisur procesi i numërimit të votave, ka nxjerrë PD-në fituese me 7 deputetë, PS-në me 5 dhe Lëvizjen Socialiste për Integrim me një mandat. Qarqet e Kukësit, Dibrës, Gjirokastrës dhe Korçës, kanë pasur një rezultat konstant që në nisje të numërimit. Në Qarkun e Kukësit, PD ka fituar 3 mandate dhe PS 1, në Dibër rezultati është 4 me 2 në favor të PD-së, në Korçë të dyja forcat kanë nga 6 deputetë, ndërsa në Gjirokastër PS 3 mandate dhe PD 2. Por sipas këtyre rezultateve të gjithë krerët e partive të vogla, me përjashtim të Metës, duket se do të ngelen jashtë parlamentit. Neritan Ceka, Nard Ndoka, Nikollë Lesi, Dashamir Shehi, Lufter Xhuveli, Arjan Starova, Skënder Gjinushi, Paskal Milo e Erion Veliaj duket se do ta kenë të pamundur të marrin votat e nevojshme për t’u futur në Parlament.


deputetet sipas rezultateve paraprake

Qarku Berat
PS 5 deputetë
Erion Braçe
Fidel Ylli 
Ermonela Velaj 
Marko Bello
Eduard Bejko
PD 2 deputetë
Genc Pollo
Mehmet Xheka 
LSI 1 deputet
Nasip Naço

Qarku Dibër
PS 2 deputetë
Sadri Abazi
Qemal Minxhozi
PD 4 deputetë
Jemin Gjana
Sherefedin Shehu
Bedri Hoxha
Selami Xhepa

Qarku Durrës
PD 7 deputetë
Ferdinand Xhaferri
Albana Vokshi 
Gazmend Oketa 
Ylli Lama 
Osman Metalla
Eduart Halimi 
Igli Cara
PS 5 deputetë
Blendi Klosi
Rudina Seseri 
Hazir  Gashi 
Gazmir Bizhga 
Klodiana Spahiu
LSI 1 deputet
Lefter Koka

Qarku Elbasan
PS 7 deputetë
Valentina Leskaj 
Ilir Bejtja 
Shegushe Ligori
Taulant Balla
Damian Gjiknuri 
Agim Leka
Skënder Hasa
PD 7 deputetë
Lulzim Basha 
Ardian Turku 
Adriana Gjoni 
Rrahim  Çota 
Dashnor  Sula 
Luçiano  Boçi 
Sybi  Hida 

Qarku Fier
PS 8 deputetë
Gramoz Ruçi
Ermelinda Meksi
Albert Çaçi 
Fatos Tushe 
Armando Subashi 
Bashkim  Fino 
Ervin  Koçi
Arben  Çuko
PD 6 deputetë
Sokol Olldashi 
Ilir  Bano 
Mesila  Doda 
Enkelejd Alibeaj 
Vasillaq  Ngresi 
Fatos  Beja 
Eno Bozdo
LSI 1 deputet
Dritan Prifti

Qarku Gjirokastër
PS 3 deputetë
Arta Dade
Vangjel Tavo 
Ethem  Ruka
PD 2 deputetë
Genc Ruli
Spiro Ksera

Qarku Korçë
PS 6 deputetë
Ben Blushi 
Pandeli Majko 
Alfred Dalipi 
Mimi  Kodheli 
Arben  Ahmetaj 
Olta  Xhaçka 
PD 6 deputetë
Ridvan Bode 
Gjergji Papa 
Ledina  Aliolli 
Edmond Spaho 
Fatbardh Kadilli 
Ismail  Hoxha 

Qarku Kukës
PS 1 deputet
Asllan Dogjani
PD 3 deputetë
Flamur  Noka 
Besnik  Dushaj 
Fatos Hoxha

Qarku Lezhë
PS 3 deputetë
Gjok Jaku 
Gjovalin Kadeli 
Armando  Prenga
PD 4 mandatë
Edi Paloka 
Mark  Marku 
Pavlina Hoti 
Rrajmond Hoxha

Qarku Shkodër
PS 4 deputetë
Ilir Beqja 
Tom  Doshi 
Ndue  Kola 
Astrit Beci
PD 7 deputetë
Jozefina Topalli 
Astrit  Bushati 
Arenca  Trashani 
Gëzim  Dibra 
Gjok Uldedaj 
Paulin Sterkaj 
Ndue  Paluca

Qarku Tiranë
PS 16 deputetë
Vasilika Hysi 
Besnik  Baraj 
Kastriot Islami 
Sajmir  Tahiri 
Fatmir  Xhafaj 
Andis  Harasani 
Ditmir  Bushati 
Eglantina Gjermeni 
Namik  Dokle 
Enkelejda Shkreli
Eduard  Shalsi 
Xhemal  Qefalia 
Dashamir  Peza 
Ilir Gjoni 
Artan Gaçi 
Auron  Tare
PD 15 deputetë
Sali Berisha 
Aldo  Bumçi 
Rajmonda Bulku 
Bujar Nishani 
Majlinda Bregu 
Gerti Bogdani 
Gent  Strazimiri 
Florian Mima 
Ilir Rusmali
Myqerem Tafaj 
Luan  Skuqi 
Tritan Shehu 
Viktor Gumi 
Arben  Imami 
Lajla  Pernaska 
PR 1 mandat
Fatmir Mediu

Qarku Vlorë
PS 6 mandate
Arben Isaraj 
Luiza Xhuvani 
Arben  Malaj 
Shpëtim Idrizi 
Eltar  Deda 
Fatmir Toçi
PD 4 mandate
Astrit Patozi 
Ardian  Kollozi 
Leonard  Demi 
Kreshnik Çipi
PDI  1 deputet
Dashamir Tahiri 
PBDNJ 1 deputet
Vangjel Dule


Bakalli: Po na vjedhin votat
Kandidati i Polit të Lirisë në Qarkun e Shkodrës, Gilman Bakalli, denoncon dje vjedhjen e votave të partive të vogla të cilat, sipas tij shkojnë për forcat e mëdha. Ai iu referua qendrës së votimit ku ka votuar së bashku me familjen e tij dhe në përfundim të votimit ka dalë me zero vota. Bakalli theksoi se edhe në qendrat e tjera ku kanë votuar familjarë të tij dhe anëtarë të tjerë të LZHK-së nuk e kanë parë votën e tyre të figuruar gjatë numërimit. “Po na vidhen votat në mënyrë të pamëshirshme”, u shpreh Bakalli, sipas të cilit e gjithë kjo ndodh në momentet e pushimit të grupeve të numërimit.