Kryetari i grupit parlamentar të Partisë Demokratike, Edi Paloka ka qenë i ftuari ditën e sotme në Top Talk, të drejtuar nga gazetari Denis Dyrnjaja, ku ka folur mbi aksionin e opozitës për rrëzimin e Edi Ramës.


Paloka ka theksuar se PD ka nisur udhën drejt largimit nga kreu i qeverisë, Edi Rama, e hapi i parë për ta bërë këtë është formimi i një frontit opozitar.


Sigurisht që Rama nuk do të largohet nga pushteti, pasi ka bërë gjithçka që të jetë në pushtet. Nuk do e detyrojmë Ramën të largohet vetëm me deklarata. Hapi ynë i parë është që frontit opozitar ti bashkohen sa më shumë forca politike, u shpreh Paloka, duke theksuar se nuk do e arrijnë qëllimin e tyre vetëm me deklarata Ne spretendojmë dhe nuk e kemi thënë që do të vijmë në pushtet pa votë. Ajo çfarë ne e kemi stërthënë është ti hapim rrugën zgjedhjeve të lira. Rama ndjehet i fortë, sepse mendon se është i fortë me drogën, krimin, oligarkët përreth tij.


Paloka shton se do të ezaurojnë të gjitha mënyra institucionale, e nëse Rama do të vijojë të jetë në pushtet, atëherë opozita do i bëjë thirrje qytetarëve për revolta.


Ironizoi edhe kuksianët para protestës dhe e pamë si reagoi. Ne hapat që po ndjekim i kemi të deklaruara. Ato që ju i quani kërcënime thjesht verbale, janë paralajmërime. Ne jemi një parti dhe opozitë që nuk e duam ta shohim këtë vend vetëm me zjarr dhe me hekur, se duam që të vijmë ne në pushtet. Rama po, 21 Janari është prova më e mirë për këtë. Por ajo që ne kemi deklaruar është se pasi kanë mbaruar të gjitha mënyra institucionale për një kryeministër që sot nuk pyet për Kushtetutë, ka uzurpuar çdo pushtet dhe nuk pyet më. Nuk ka rrugë tjetër nesër. Të jeni të bindur se këto nuk janë kërcënime dhe pasi ne ti kalojmë edhe këto hapa do ti bëjmë thirrje qytetarëve që ta tërheqin zvarrë Edi Ramën, u shpreh Paloka, që më tej gjatë intervistës shtoi Edi Rama ikën vetëm në një mënyrë dhe ajo nuk është me votë.


Ligji për vetting politik dhe hetimi i kontratave koncensionare dhe sekuestrimi i pasurisë të vënë përmes atyre kontratave që janë me shkelje, nisma të bëra publike edhe nga kreu i PD Basha, janë pjesë e strategjisë së PD për largimin e Ramës, tregon Paloka


Pjesë e strategjisë së opozitës, është edhe ligji për vetting politik. Edhe propozimi ynë i ardhshëm, që do të kontrollojë dhe veprojë mbi pasuritë e të gjithë atyre oligarkëve që sot në mënyrë abuzive bashkëpunojnë me këtë qeveri kriminale. Në takimet në qytetet e ndryshme të vendit, përveçse simbolikës kundër krimit, ne kemi punuar. Ka disa grupe të përbashkëta të opozitës që po përgatisin disa platforma. Dje u tha edhe nga Basha që do të kemi një platformë anti-mafia, e cila mund të jetë një shtesë e ligjit anti-mafia. Kjo do të synojë që atyre oligarkëve që ne do të bashkëpunojmë me këtë qeveri në mënyrë abuzive, nesër jo vetëm do të japin llogari, por pasuritë e tyre do të konfiskohen, u shprehën ata.


21 shtator 2018 (gazeta-Shqip.com)