Presidenti i Republikes Prof. Dr. Bamir Topi se bashku me Zonjen e Pare Teuta Topi do te zhvilloje ne datat 2-5 nentor nje vizite pune ne Mbreterine e Bashkuar me ftese te Presidentit te Oksford Unionit Xhejms Kingston.
Kryetari i Shtetit pritet te zhvilloje takime me Kryetaren e Dhomes se Lordeve Baroneshen Helen Hejman Ministrin e Puneve te Jashtme per Evropen David Lidington si dhe Kryetarin e grupit mbareparlamentar te Parlamentit britanik per Shqiperine Mark Pritcard dhe parlamentaret e tjere te ketij grupi.
Ne diten e pare te vizites Presidenti i Republikes do te udhetoje per ne Oksford ku do te pritet dhe do te zhvilloje nje takim me Presidentin e Oxford Union Xhejms Kingston. Ne axhenden e Presidentit Topi per kete dite parashikohet dhe mbajtja ne Oxford Union e nje leksioni me teme Situata ne rajonin e Ballkanit dhe roli i Shqiperise ne rajon.
Gjate qendrimit ne Mbreterine e Bashkuar Presidenti Topi do te takohet gjithashtu me Presidentin e BERZH-it Tomas Mirou dhe me Drejtuesin dhe themeluesin e revistes First Rupert Gudmen nderkohe qe pritet dhe nje interviste e Presidentit te Republikes per BBC-ne ne seksionin shqip.
