Zhvillim spektakolar gjatë mbrëmjes. Nis mbledhja e firmave për të ndryshuar Kushtetutën në pikën e zgjedhjes së presidentit



Disa deputetë të djathtë ndërmorën dje një iniciativë për të mbledhur firmat e deputetëve nga i gjithë spektri politik, në mënyrë që presidenti të zgjidhet nga populli. Burimet thanë se deri në mbrëmje, numri i firmëtarëve po shkonte drejt 50-ës, ndërsa negociatat vazhduan gjatë mbrëmjes së djeshme edhe në spektrin e majtë. Në bazë të kësaj iniciative, presidenti do të zgjidhet nga populli i propozuar nga 1/5 e deputetëve ose nga një grup parlamentar. Kjo nismë pritet të finalizohet deri ditën e hënë, kur do të paraqitet edhe në Kuvend. Në bazë të informatave jozyrtare, numri i deputetëve firmëtarë është rritur në mënyrë të ndjeshme gjatë mbrëmjes së djeshme, duke tentuar drejt 94 firmave që nevojiten. Ndërkohë, në pamje të parë kjo iniciativë e deputetëve demokratë duket sikur bie në kundërshtim me kryesinë e Partisë Demokratike, e cila zhvilloi një takim në mesditën e djeshme. Pas debateve të shumta në grup, kryeministri Berisha doli në media dhe deklaroi se nuk ishte koha e përshtatshme që presidenti të zgjidhet nga populli. “Në rast se bëhen 94 vota, në mënyre absolute do të jem i pari që do të votoj nga populli, por nenin e krizës së 84 votave, të cilin nuk e kanë shumica e vendeve të botës, e kemi ne dhe vetëm një vend tjetër”, tha Berisha, duke u munduar të argumentojë pamundësinë e këtij ndryshimi, por edhe duke nxitur si reaksion veprimin e deputetëve demokratë për të arritur firmat e nevojshme.

 

Grupi parlamentar PD

Gazmend Oketa

Besnik Mustafaj

Preç Zogaj

Edi Paloka

Bujar Leskaj

Pal Dajçi

Engjëll Cara

Dashnor Sula

Ndriçim Babasi

Sami Gjergji

Sali Shehu

Edmond Spaho

Mevlan Xhindoli

Rexhep Uka

Eris Hoxha

Osman Metalla

Mehmet Xheka

Aleksandër Biberaj

 

Të pavarur

Spiro Peçi

Spartak Ngjela

 

Lëvizja Demokristiane

Nikollë Lesi

 

Partia Republikane

Fatmir Mediu

Arian Madhi

Artur Hasanbelliu

Besnik Bisha

Genc Sharku

Hajrulla Paturri

Alfred Gega   

 

Partia Demokristiane

Nard Ndoka

Ndue Shpani

Frrok Gjini

Ymer Tola

 

Lëvizja Socialiste për Integrim
Edhe pse ka shprehur qëndrimin e tij dhe të partisë për zgjedhjen e presidentit nga populli, Ndre Legisi thotë se partia e tij nuk bëhet pjesë e iniciativave të partive të mëdha.

Partia Aleanca Demokratike
Neritan Ceka thotë se nuk do t’i bashkojë firmat me deputetët e djathtë, pasi sipas tij, nuk është koha për diskutime të tilla. Sipas tij, duhet hequr dorë nga diletantizmit.