Duke iu referuar kryeministrit izraelit, Benjamin Netanyahu, homologu i tij turk, Recep Tayyip Erdoan, ka deklaruar se, nëse ka një tiran në botë, ai je ti që masakron fëmijët palestinez.


Erdoan foli për Netanyahun në një aktivitet në Ankara, ku tha: A nuk je ti ai që mban mijëra fëmijë, gra dhe pleq në burg për shkak të zgjedhjeve në Izrael a nuk je ti ai që i shtyp ata.


Më herët, zëdhënësi presidencial i Turqisë, Ibrahim Kalin, tha se Netanyahu sulmoi presidentin Erdoan për ekspozimin e komenteve raciste të liderit izraelit ndaj arabëve dhe muslimanëve.


Netanyahu dje deklaroi se Izraeli është një shtet komb, jo i të gjithë qytetarëve të saj, por vetëm i popullit hebre.


Presidenti Erdoan po ashtu kritikoi Izraelin për sulmin ndaj kompleksit të xhamisë Al-Aksa, duke theksuar se kombi turk do të ngre zërin për çdo sulm kundër xhamisë. Ai shtoi se Turqia dhe populli turk nuk do të heshtin, edhe nëse pjesa tjetër e botës nuk pranon të flasë.


Presidenti turk po ashtu theksoi se Turqia do të vazhdoj luftën për Kudsin, derisa qyteti të administrohet në një mënyrë të përshtatshme me rëndësinë e saj për botën islame.


Më tej, Erdoan paralajmëroi Izraelin se Turqia do ti kërkoj të japë llogari para komunitetit ndërkombëtar për sulmet mbi kompleksin e xhamisë Al-Aksa.


Tensionet në Kuds janë rritur që nga muaji shkurt, kur policia izraelite mbylli për një kohë të shkurtë portën e xhamisë Al-Aksa, duke shkaktuar protesta palestineze.


Izraeli pushtoi Kudsin Lindor, ku dhe ndodhet Al-Aksa, gjatë Luftës arabo-izraelite në vitin 1967, si dhe aneksoi të gjithë qytetin në vitin 1980 në një masë që asnjëherë nuk u njoh nga komuniteti ndërkombëtar.


Presidenti turk po ashtu kritikoi krerët evropiane, të cilët morën pjesë në samitin arabo-evropian të mbajtur në Egjipt, menjëherë pas një ekzekutimi masiv të të rinjve nga presidenti egjiptian, Abdel Fattah al-Sisi.


Si mund të pranoni ftesën e Sisit, ndërkohë që dënimi me vdekje në BE është i ndaluar Edhe ai është organizator i një masakre, deklaroi Erdoan.


Egjipti ka mbetur i rrethuar nga dhuna dhe trazirat që kur ushtria në një grusht shteti në vitin 2013 rrëzoi presidentin e parë të zgjedhur në mënyrë të lirë në vend, Mohamed Morsi.