Politika që ndalonte deklarimin e homoseksualitetit në ushtrinë e
Shteteve të Bashkuara është shfuqizuar pas pothuajse dy dekadash.
Anulimi i “mos pyet, mos trego” do të thotë se rekrutët tani mund të zbulojnë se janë gay pa pasur frikë nga hetimi apo shkarkimi i tyre.
Vendimi në fjalë, i pagëzuar si “Dita e Shfuqizimit”, ka bërë që në mbarë vendin të organizohen festa, për të shënuar fitoren e të drejtave të homoseksualëve.
Kongresi amerikan votoi vitin e kaluar shfuqizimin e ligjit, që u prezantua për herë të parë në vitin 1993, nën administratën e Bill Clinton.
Në bazë të kësaj politike, personave gay u lejohej të shërbenin në ushtri përsa kohë nuk tregonin hapur orientimet e tyre seksuale, ndërkohë që komandantëve nuk u lejohej të pyesnin.
Shefi i zyrës së shtypit pranë Pentagonit, George Little u tha gazetarëve se Departamenti i Mbrojtjes ishte përgatitur plotësisht për këtë shfuqizim dhe se 97 për qind e personelit ushtarak i është nënshtruar trajnimit për ligjin e ri.
Forcat e armatosura kanë pranuar aplikime nga shumë rekrutë gay gjatë javëve të fundit dhe tani me ligjin e ri do të fillojë shqyrtimi i kërkesës së tyre.
SHBA, gjykata urdhëroi heqjen e rregullit anti-gay
Gjykata e Apelit në Shtetet e Bashkuara urdhëroi administratën Obama të heqë sa më parë rregullin që ndalon homoseksualët të shërbejnë në ushtrinë amerikane duke shprehur haptazi orientimin e tyre seksual.
Një panel prej 3 gjyqtarësh, arsyetuan vendimin e tyre duke thënë se ai binte ndesh me vendimin e administratës Obama të dhjetorit të 2010-s, ku thuhet se është jokushtetuese që homoseksualët të trajtohen ndryshe nga ligji.
Në një vendim të mëhershëm, kjo gjykatë dha një vendim i cili i lejoi administratës Obama të përforcone rregullin “mos pyet, mos trego” (don’t ask, don’t tell) i njohur ndryshe si DADT.
Por vete presidenti amerikan apeloi këtë vendim duke kërkuar që homoseksualët të lejoheshin të kryenin shërbimin ushtarak dhe të shprehnin haptazi orientimin e tyre seksual.
if (window.ads_ad_block){ads_ad_block=ads_ad_block+1;}else{ads_ad_block=1;}
function showAdBlock_2136(ppc_ad_block_count)
{
title = document.title;
show_ads_id = 2136;
show_ads_url = "http://www.kosoftads.com/publisher-show-ads.php";
block_count=ppc_ad_block_count;
iframe_width=580;
iframe_height=115;
metainfo=document.getElementsByTagName('meta');
ref=document.referrer;
showContentAds(metainfo);
}
setTimeout("showAdBlock_2136("+ads_ad_block+")",1000*(ads_ad_block-1));
