Katër persona janë arrestuar nga policia e Krujës në kuadër të një operacioni të koduar Nikla (emër fshati), ndërsa dy të tjerë janë shpallur në kërkim.


ProstitucionMeTeMitura-659x414-587x396


Ata akuzohen se kanë shfrytëzuar seksualisht një 17-vjeçare si dhe kultivonin lëndë narkotike kanabis.


Arrestimet e tyre erdhën pas 8 muajsh hetime.


Njoftimi:


Finalizohet pas një hetimi 8-mujor, operacioni policor i koduar “Nikla”.


Operacioni nga Policia e Krujës, në bashkëpunim me Prokurorinë e Rrethit Gjyqësor Krujë.


Ushtronin veprimtari kriminale në fushën e kultivimit të kanabisit dhe shfrytëzuan seksualisht një 17-vjeçare, vihen në pranga 4 shtetas dhe shpallen në kërkim 2 të tjerë.


Specialistët për Hetimin e Krimeve në Komisariatin e Policisë Krujë, pas 8 muaj hetimesh për dokumentimin e veprimtarisë kriminale të disa shtetasve, në fushën e narkotikëve dhe shfrytëzimit për prostitucion, finalizuan operacionin policor të koduar “Nikla”, në kuadër të të cilit u kapën dhe u ndaluan shtetasit:



  1. C. (Ç)., 28 vjeç, banues në fshatin Nikël, Krujë;

  2. L., 25 vjeç, banues në fshatin Borizanë, Krujë, i dënuar më parë për veprën penale “Prodhimi dhe shitja e narkotikëve”, në Itali;

  3. S., 17 vjeç dhe A. Sh., 26 vjeç, banues në Krujë;


 


Gjithashtu janë shpallur në kërkim shtetasit A. B., 23 vjeç, i dënuar më parë për veprën penale “Drejtim i automjeteve në mënyrë të parregullt dhe A. M., 17 vjeç, të dy banues në Krujë dhe vijon puna për kapjen e tyre.


Nga hetimet e kryera ka rezultuar se këta shtetas, në bashkëpunim me njëri-tjetrin, ushtronin veprimtari kriminale në fushën e  prodhimit dhe shitjes së narkotikëve.


Gjithashtu, këta shtetas kanë nxitur për përdorimin e drogës një 17-vjeçare dhe e kanë shfrytëzuar seksualisht atë.


Materialet i kaluan Prokurorisë së Rrethit Gjyqësor Krujë, për veprat penale “Prodhimi dhe shitja e narkotikëve”, “Nxitja për përdorimin e drogës” dhe “Shfrytëzimi i prostitucionit”.