Trembëdhjetë oficerë të policisë ushtarake janë shkarkuar në Shqipëri nga Ministria e Mbrojtjes.


Lajmi konfirmohet për televizionin A1 Report dhe ‘Shqiptarja’ nga burime të kësaj ministrie.


Shkarkimet pasojnë largimin e kreut të kësaj policie, Ylli Zyla më 25 shtator të 2013.


Ministrja e re Mimi Kodheli firmosi shkarkimin e Zylës i cili mbante postin e Komandantit të Policisë Ushtarake dhe riemëroi në këtë post Xhevdet Zenelin.


Ylli Zyla mbante postin e Komandantit të Policisë Ushtarake, pasi u dorëhoq nga kreu i Shërbimit Informativ të Ushtrisë në datën 4 korrik të vitit 2012, pas skandalit të zbuluar nga Shqiptarja.com ku gruaja e Zylës ishte e përfshirë në trafik armësh.


Po kështu Partia Socaliste e akuzoi Zylën se ishte personi që kishte përgjuar deputetët e opozitës së atëhershme, (tani mazhorancë) me aparatura të blera jashtë vendit.



Pas largimit të Zylës, nuk ka pasur njoftime për shkarkime, ndërkohë që sot në mbrëmje për A1 Report u konfirmua dhe

shkarkimi i 13 oficerëve të policisë ushtarake. /Shqiptarja/