Një ngjarje e rëndë mësohet të ketë ndodhur në Gjermani, ku 4 të rinj shqiptarë të moshave 23-24 vjeç kanë humbur jetën gjatë punës. Dyshohet se shkak është bërë këputja e vinçit i cili ka rënë mbi një mur, i cili ka zënë poshtë të rinjtë shqiptarë.


Të shumtë janë të rinjtë shqiptarë që kanë emigruar për punë në shtetin gjerman. Shumë prej tyre kanë ikur me viza pune. Një pjesë e madhe ikin me pasaporta për të punuar e për të nxjerrë disa të ardhura për familjen e tyre, ndërsa shumë prej tyre nisen pa dokumente duke qëndruar në të zezë.


Një ngjarje e rëndë ka ndodhur në Frankfurt të Gjermanisë. Një qytetar i ka shkruar redaksisë JOQ Albania ku tregon se katër djem të rinj të moshës 23-24 vjeç kanë humbur jetën teksa kanë qenë duke punuar në një ndërtesë.


Personi i cili i ka shkruar redaksisë JOQ Albania është i afërmi i njërit prej djemve që ka humbur jetën në punë. Familjari i Olsit (njëri prej viktimave), tregon ngjarjen e dhimbshme sesi është nisur ai nga Durrësi drejt Gjermanisë për punë.


Familjari kërkon ndihmën e të gjithë shqiptarëve në Gjermani për të ditur më shumë informacione lidhur me ngjarjen, pasi pronari për të cilin punonin të rinjtë shqiptarë ishte italian dhe e ka mbajtur ngjarjen të fshehtë për të mos dëmtuar imazhin e tij.


Të tjerë familjarë kanë shkuar në Gjermani për të kërkuar trupat e të rinjve të cilët kanë humbur jetën në mënyrë tragjike. Gjatë kohës që kanë qenë duke punuar, vinçi është rrëzuar duke shembur murin. Muri u ka rënë sipër duke u marrë jetën të rinjve.


Për Olsin ka qenë dita e parë dhe e fundit e punës në Gjermani.


Mesazhi i të familjarit të Olsit:


Përshëndetje JOQ Albania! Dje në Gjermani, në Frankfurt kanë humbur jetën disa shqiptarë. Ata punon në ndërtim dhe ndërtesa ku punon është shembur.


Janë djem të rinj, por ju lutem nëse mund të merrni ndonjë informacion më shumë. Ndër to ishte një i njohuri ynë 24 vjeç dhe dimë që ka humbur jetën, por për të tjerët nuk dimë asgjë. Për të afërmin tonë, ai është pa letra dhe punonin në ndërtim atje.


Njëherë na thanë që janë katër shqiptarë që kanë humbur jetën. Së bashku me të afërmin tim ka qenë edhe një djalë tjetër. Të dy nga Durrësi dhe të dy kanë humbur jetën. I afërmi im Olsi, pardje kishte filluar punë aty, pasi ja kishte kërkuar shoku i tij. Dmth dita e parë dhe e fundit për të.


Mesa më thanë është rrëzuar vinçi në atë ndërtesë dhe muri është shembur duke ju rënë punëtorëve sipër. Pronari ishte italian dhe ai jua ka marrë pasaportat të lënduarve që të mos i dëmtohet imazhi i tij dhe nuk ka treguar asgjë.


Kanë ikur 10 familjarë tanët në Gjermani për të kërkuar trupat e të rinjve dhe kanë kërkuar në 3-4 morgje atje dhe tani vonë na thanë që i gjetën. Kjo është e tmerrshme. Ata ishin të rinj 23-24 vjeç./ Joq.al