Pas një jave të retorikës së ashpër në shkëmbimet me Korenë e Veriut, dje presidenti amerikan, Donald Trump, ka hyrë në një luftë fjalësh me Venezuelën, duke thënë se nuk e ka përjashtuar ndërhyrjen ushtarak atje.


Trump tha se mund të vazhdoj me një opsion ushtarak në konfrontim me qeverinë gjithnjë e më autoritare të Venezuelës.


Ndaj kësaj deklarate ka reaguar ministri i mbrojtjes i Venezuelës, duke e akuzuar Trumpin për një akt çmendurie.


Ky shkëmbim i ashpërsimit të retorikës filloi kur gazetarët e pyetën zotin Trump, i cili është në pushim në pushimoren e tij të golfit në Bedminister të Nju Xherzit, për Venezuelën, e cila është përfshirë nga trazirat tash e disa muaj, pasi presidenti i këtij vendi, Nicolas Maduro, ka mbajtur zgjedhje të kontestuara me të cilat është instaluar një legjislacion i ri, që e mbështet presidencën e tij.


Ne nuk flasim për këtë, por një opsion ushtarak, është sigurisht diçka që ne mund të ndërmarrim, tha presidenti Trump dhe ka shtuar se Venezuela është në rrëmujë dhe kjo është shumë e rrezikshme.


12 gusht 2017 (gazeta-Shqip.com)