Borussia Dortmund fitoi titullin e dytë të njëpasnjëshëm në Bundesligë dhe të tetin në histori të klubit duke mposhtur në shtëpi Borussia Monchengladbachun me rezultat 2:0.

Skuadra e trajnerit Jurgen Klopp është shpallur kampion, dy xhiro para përfundimit të edicionit në Bundesligë pasi ka tetë pikë epërsi ndaj përcjellësit të parë Bayern Munichut.

Golat në fitoren e Dortmund i realizuan mesfushorët Ivan Perisic në minutën e 23-të dhe Shinji Kagawa në të 59-ën. Pas 32 xhirosh, Dortmund ka tubuar 75 pikë me bilanc prej 23 fitore, 6 barazime dhe 3 humbje.