Presidenti turk Rexhep Tajip Erdogan thotë se vendi i tij e ka tejkaluar nevojën e saj për anëtarësim në Bashkimin Evropian gjatë bisedimeve 12-vjeçare për anëtarësim. Rexhep Tajip Erdogan akuzoi gjithashtu Evropën për strehimin e terroristëve.


“Për të thënë të vërtetën, nuk kemi më nevojë për anëtarësim në BE,” i tha ai parlamentit në një fjalim të dielën.


Erdogan megjithatë nuk përjashtoi krejtësisht ambiciet e pranimit të Ankarasë në BE, duke thënë, “ne nuk do të jemi pala që heq dorë“, dhe insistoi që Turqia është gati të bëhet pjesë e bllokut.


“Nëse BE do të ecë përpara, ka vetëm një mënyrë për ta bërë këtë. Dhe është dhënia e anëtarësimit për Turqinë dhe fillimi i një veprimi të rritjes kulturore dhe ekonomike “, tha Erdogan, qeveria e të cilit luajti një rol të rëndësishëm në fillimin e bisedimeve të anëtarësimit të plotë në vitin 2005 kur ai ishte kryeministër.


Negociatat kanë ngecur për shkak të shqetësimeve për të mirëpritur në Bllok, atë që do të ishte vendi më i populluar i BE brenda dekadës, një nga kombet e veta më të varfra dhe të vetmet me shumicë myslimane në union.


Në vitin 2015, Bashkimi Evropian arriti një marrëveshje me Ankaranë, duke premtuar liberalizimin e regjimit të vizave si dhe një përshpejtim të procesit të integrimit në kuadër të bllokimit të refugjatëve sirianë. Megjithatë, grushti i dështuar i shtetit dhe rritja e vendimeve arbitrare të qeverisë turke e çoi procesin mbrapsht.


Qeveria turke ka burgosur mijëra njerëz të pafajshëm nën pretekstin e grushtit të shtetit, ndërsa ka larguar nga puna mbi 100 mijë mësues, gjyqtarë, prokurorë, punonjës policie, etje.


Të gjitha këto si dhe rritja e kompetencave për presidentin Erdogan, bënë që kancelarja gjermane Angela Merkel, të deklaronte se Turqia po largohet nga të gjitha praktikat demokratike me shpejtësi të madhe”.


/Ora News.tv/


 


 


Të parët për lajmin e fundit. Ndiqni Oranews.tvFacebook dhe në Twitter