Kapiteni i tragetit në Korenë e Jugut, që u mbyt të mërkurën duke shkaktuar një katastrofë të vërtetë, u arrestua.


Lee Joon- seok, 68 vjeç, ishte kapiten i tragetit me 475 pasagjerë, që mori një kthesë të fortë dhe më pas u përmbyt.


Deri më tani ka 28 viktima të konfirmuara, ndërsa 270 persona rezultojnë të humbur.


Megjithatë, siç tregojnë fotot, kapiteni ishte ndër të parët që u largua nga trageti, ndërkohë që nuk ishte mbytur plotësisht.


Mediat kanë raportuar se kapiteni nuk po e drejtonte tragetin në kohën kur ndodhi tragjedia, por ia kishte lënë të tretit në komandë.


Shumica e pasagjerëve në traget ishin nxënës shkolle, që po shkonin në ekskursion në një ishull.


Në një tjetër zhvillim, një nga mësuesit që ishte në anije, dhe që arriti të mbijetojë, ka vrarë veten.


Ai u vetëvar në një pemë, pranë vendit ku po qëndrojnë familjarët e viktimave, në pritje të ndonjë lajmi.


Megjithatë ekspertët thonë se shpresat janë shumë të pakta.


1


2


3


4


5