(E PERDITESUAR)- Policia australiane i ka dhënë fund pengmarrjes që tronditi vendin.
Pas 16 orësh pengmarrje, forcat speciale kanë ndërhyrë në kafenenë ku mbaheshin pengjet, duke gjuajtur me armë dhe duke hedhur disa granata.
Mediat raportojnë se janë liruar të gjithë pengjet, ndërkohë që katër prej tyre kanë mbetur të plagosur nga ndërhyrja e policisë.
Gjatë ndërhyrjes kanë mbetur të vdekur dy persona, mes të cilëve edhe pengmarrësi.
***
Man Haron Monis është personi që terrorizo Australinë.
Ai njihet ndryshe me emrin Sheik Haron.
49-vjeçari është me origjinë nga Irani dhe prej vitesh jeton në Sidney.
Radikali mysliman besohet se predikon për Shtetin Islamik.
Ai ka pasur probleme edhe më parë me ligjin.
Kjo, duke qenë se ai ka bërë komente urrejtje për ushtarët australianë të vrarë mes viteve 2007 dhe 2009.
Ai u gjykua për urrejtje, por u dënua me vetëm disa orë pune në komunitet.
49-vjeçari ka mbërritur në Australi si refugjat në vitin 1996 dhe është akuzuar se ka vrarë me thikë ish-gruan e tij.
Gjithashtu ai është akuzuar se ka përdhunuar një grua në vitin 2002.
Por, pavarësisht të gjitha këtyre akuzave, ai nuk është dënuar dhe mori peng për 16 orë 35 persona në një kafe në Sidney./b.l
