Me nënshkrimin e ligjit për masa të reja kontradiktorë mbi kontrollin e
internetit, Presidenti turk Abdullah Gyl, sipas vezhguesve te huaj,
tregoi se nuk eshte rival i Rexhep Tajip Erdoanit.



Ne faqen e tij te Twitterit me 4 milione ndjekes, Gyl shprehte dite me pare shqetesim mbi legjislacionin e kritikuar ashper si brenda kufijve, ashtu edhe jashte tyre apo drojen qe ngjall ne radhet e komunitetit nderkombetar kufizimi i lirive për mediat turke. "Shtypi ka të drejtë të njoftojë lidhur me “praktikat e gabuara”, thoshte Gyl, ndersa e krahasonte imazhin e Turqisë në botë me atë të një drite që ka ndriçuar, por tani po venitet. Megjithate, serish ne mesazh linte te kuptohej se do te vendoste firmen e tij. Ligji gjithpërfshirës i jep kompetenca partisë në pushtet AK që të mbyllë pa vendim gjykate faqe elektronike te cilat shihen si kërcënuese për privacitesine e individit. Ekspertet paralajmërojnë se ka të ngjarë që Ankaraja të përballet me presion në rritje në vend dhe nga nderkombetaret lidhur me lirinë e Internetit dhe të reportereve. Komiteti për Mbrojtjen e Gazetarëve me bazë në Shtetet e Bashkuara, në raportin e tij të fundit rreth sulmeve mbi shtypin gjatë vitit të fundit, e vuri theksin tek politika e përhapur në Turqi e pushimit nga puna të gazetarëve kritikë ndaj qeverisë. Shqetësime të ngjashme u shprehën edhe në raportin e fundit të Bashkimit Evropian lidhur me përpjekjet e Turqisë për anëtarësim në BE. Ekzekutivi i mohon këto akuza e kembengul se liria e medias është përmirësuar gjatë administratës së kryeministrit Erdogan. Në fillim të këtij muaji, mijëra njerëz protestuan kundër vendimit të qeverisë tukre për të shtuar kontrollin mbi Internetin. / Top Channel