Juventus kërkon një qendërsulmues për sezonin e ri dhe objektivat kryesorë të gjigantit torinez janë Luis Suarez i Liverpoolit dhe heroi i Napolit, Edinson Cavani, ka njoftuar e përditshmja sportive italiane, Tuttosport.

Bianconerët thuhet se janë të gatshëm të paguajnë Cavanin dyfish më tepër se paga e tij aktuale në Napoli.

Kurse, sa i përket Suarezit, Juventus spekulohet se është duke përgatitur ofertë të majme për uruguaianin, i cili ka pasur probleme të shumta gjatë këtij sezoni, në fushë dhe jashtë saj.