Trajneri i Suedisë ka shpallur dje 22 lojtarët për ndeshjet me kuqezinjtë dhe Hungarinë

Ndeshja e 6 shtatorit, mes Shqipërisë dhe Suedisë, e vlefshme për Grupin 1 të eliminatoreve të Botërorit 2010, do të zhvillohet në "Qemal Stafa", në orën 18.45. Kundërshtari i kuqezinjve, Suedia e Zllatan Ibrahimoviçit, e ka shpallur dje listën e lojtarëve për dy ndeshjet e radhës, atë me Shqipërinë, më 6 shtator, dhe me Portugalinë, pas katër ditësh. Bien në sy lojtarë yje të skuadrës suedeze, me në krye Ibrahimoviçin e Interit, çka tregon se vlerësimi i tyre për kuqezinjtë është i nivelit maksimal.


Dje, teksa ka publikuar listën e 22 lojtarëve për ndeshjet me Shqipërinë dhe hungarinë, trajneri i Suedisë, Lagerbak, ka pohuar për sajtin e federatës së futbollit të vendit të tij: "Eshtë shumë stimuluese, por edhe privilegj njëherazi, të kemi lojtarët më të mirë në dispozicion për dy ndeshjet e para në grupin tonë kualifikues. Jemi në një grup shumë të fortë, por besojë se kemi një mundësi të mirë që të klasifikohemi të parët në fund të eliminatoreve. Për këtë gjë do të fillojmë të luftojmë që më 6 shtator, në Tiranë. Nuk mendoj se dy kundërshtarët tanë të radhës, Shqipëria dhe Hungaria, do të na surprizojnë. Fatmirësisht duhet të mirëpresim Tobias Linderothin. Futbollisti është aktivizuar gjatë kësaj kohe me Gallatasarin. Si Shqipëria, edhe Hungaria, nuk duhen nënvleftësuar, por duhen marrë në konsideratë. Normalisht do të dëshironim më shumë kohë në dispozicion për t'u përgatitur, por do t'ia dalim mbanë. Si Shqipëria, edhe Hungaria, i kanë ndryshuar trajnerët e tyre respektivë, por ne i kemi studiuar mirë këta kundërshtarë." Ndërkohë, tre futbollistët e ndodhur jashtë liste janë Rami Shaaban, Erik Edman dhe Johan Elmander. Ky i fundit është në dyshim, pasi gjuri i tij ka shfaqur probleme. Emri i ri në listën e Lagerback është Viktor Elm. Ndërkohë, trajneri verdheblu i thur lëvdata futbollistit të tij: "Elm ka treguar një formë të mirë, e keni parë të gjithë nivelin e tij në kampionatin e shkuar. Suedia do të luajë me një sistem të ri 3 5 2 ndaj Shqipërisë." Edhe pse lista e kombëtares suedeze është shpallur nga trajneri Lagerback, në të mund të ketë dhe ndryshime. "Duhet të mbyllim sa më parë zgjedhjet tona me futbollistët, por duhet të shikojmë më me kujdes ndonjë ndryshim të mundshëm me futbollistët më në formë për momentin. Kështu që më mirë do të presim edhe pak deri në mbledhjen që do të zhvillojmë pas një jave në Stokholm,"shprehet trajneri i nordikëve. Më parë kombëtarja shqiptare me atë suedeze janë ndeshur në eliminatoren e vitit 1988 1989 dhe Suedia ka triumfuar në të dyja takimet. Ndeshja e fundit (miqësore) është mbyllur me fitoren e Shqipërisë në Tiranë, 2 1.


----------------------------------------Treshe spanjolle për ndeshjen


Ndeshjen Shqipëri-Suedi do ta gjykojë një treshe spanjolle, me kryesor Alberto Undiano Mallenco, ndërsa ndihmësa të tij do të jenë Fermín Martinez Ibanez dhe Juan Carlos Yuste Jimenez. Edhe vëzhguesi i kësaj ndeshjeje do të jetë spanjoll, pikërisht Antonio Rubinos Perez.


Ja 22 lojtarët e Suedisë


Andreas IsaksonPSV Eindhoven


Johan ËilandElfsborg


Andreas GranqvistFC Groningen


Peter HansonStade Rennais FC


Daniel MajstorovicAEK FC


Olof MellbergJuventus FC


Mikael NilsonPanathinaikos FC


Max von SchlebrggeBrondby IF


Fredrik StorFulham FC


Oscar ËendtFC Kobenhavn


Daniel AndersonMal FF


Marcus BergFC Groningen


Viktor ElmKalmar FF


Samuel HolmBrondby IF


Zlatan IbrahimovicFC Internazionale


Kim KallstromOlympique Lyonnais


Henrik LarsonHelsingborgs IF


Sebastian LarsonBirmingham City


Tobias LinderothGalatasaray SK


Markus RosenbergËerder Bremen


Anders SvensonIF Elfsborg


Christian ËilhelmsonAl Hilal