Vargje nga Arben Duka


 


Mund të ndezim pak muzikë,


kundër gjithë kësaj zie,


Mund të gdhendim një lirikë,


a një vjershë dashurie…!


 


Le të dalim dy nga dy,


të lozim porsi mëllenjat,


Sbie kurrë në robëri,


kur të tuat i ke ndjenjat!


 


Mendja mund ti shkojë të marrit,


ndjenjat të na kontrollojë,


po blerimet e beharit,


nuk ka zot që ti ndalojë!


 


Unë e puth në sy rininë,


çmendem unë për ata sy,


ajo përqesh tiraninë,


me puthje dhe dashuri!


 


Dashuria shëron jetën,


në gjithë kuptimin e saj,


Kur ajo e merr stafetën,


i gjithë viti bëhet maj!


 


Për këngët e dashurisë,


unë kam qenë e jam një mjeshtër,


Vetë muzika e rinisë,


Si flori më rrjedh në eshtër!


 


Ende se arritëm fundin,


dhe pse kemi kohë mërzie,


po të keqen mund ta mundim,


dhe me këngë dashurie!


 


Që kur lindi njerëzia,


dashuria qe e para,


Po të ngrihet dashuria,


nuk do kemi më fanfara!


 


 


FALËNDERIM


Falënderoj nga zemra dhjetëra e dhjetëra dashamirës të mi dhe gazetës elitë Shekulli nga Shqipëria dhe të katër anët e botës për urimet e ngrohta që më kanë dërguar dje për ditëlindje. Përzemërsisht, Arben Duka