Pogradeci fitoi titullin simbolik “kampion i dimrit” në Kategorinë e Parë një javë para kohe, pas fitores 4-1 ndaj Gramozit të Ersekës në ndeshjen e vlefshme për javën e 14-të. 11 fitore në 14 javë, dhe 34 pikë për liqenorët.
Kamza mposhti 2-0 rivalin tjëtër kryeqytetas, Partizanin, falë dopjetës së veteranit Klevis Dalipi, në një fitore me ngjyra simbolike për trajnerin Skerdi Bejzade. Kamza renditet në vendin e dytë me 29 pikë, 5 më pak se Pogradeci. 8 humbje në 14 ndeshje për Partizanin, tashmë me 22 pikë më pak se Pogradeci i vendit të parë.
Luftëtari mposhti 2-1 Apoloninë në Gjirokastër, duke i bërë shërbimin më të mirë pogradecarëve.
Besëlidhja mposhti 3-1 Tomorin në “Brian Filipi”, duke i shkaktuar humbjen e parë beratasve pas serisë me katër fitore rresht.
Vlora regjistroi një fitore të thellë 5-2 ndaj Tërbunit të Pukës.
Pas tri humbjeve rresht, Lushnja u rikthye te fitorja, duke mundur minimalisht Mamurrasin, falë një autogoli të Sharrës.
Në takimet e tjera, Bilishti fitoi 1-0 me Gramshin e vendit të fundit, dhe Ada fitoi 2-1 me Burrelin, duke u rikthyer te fitorja pas katër ndeshjesh. Për herë të fundit, velipojakët kishin fituar 2-1 ndaj Tërbunit të Pukës, në javën e 9-të.
Kategoria e Parë
Java 14, 19.12.2010
Pogradeci-Gramozi 4-1
Shënues: Eminhazeri 18’, 38’, 46’, Tanushi 29’ / Lena 45’
Luftëtari-Apolonia 2-1
Shënues: Stoja 22’, Mitraj 86’ / Gërxho 16’
Lushnja-Mamurrasi 1-0
Shënues: Sharra (aut) 67’
Besëlidhja-Tomori 3-1
Shënues: Shala 45’, Maho 82’, Ndreka 90’ / K.Arbri 31’
Kamza-Partizani 2-0
Shënues: K.Dalipi 18’, 67’
Vlora-Tërbuni 5-2
Shënues: Plepi 7’, Skënderaj 36’, 60’, Shabani 62’, Begaj 79’ / Lifja 23’, Jahja (pen) 57’
Ada-Burreli 2-1
Shënues: Leka 12’, Baci 36’ / Balluku 56’
Bilisht Sport-Gramshi 1-0
Shënues: Biba 78’
RENDTIJA
1 Pogradeci 14 11 1 2 23 9 +14 34
2 Kamza 14 8 5 1 21 9 +12 29
3 Apolonia 14 8 3 3 25 14 +11 27
4 Tomori 14 8 2 4 21 13 +8 26
5 Lushnja 14 7 1 6 22 10 +12 22
6 Mamurrasi 14 7 1 6 11 10 +1 22
7 Besëlidhja 13 5 5 3 18 10 +8 20
8 Gramozi 13 6 1 6 14 20 -6 19
9 Bilisht S 14 5 2 7 20 29 -9 17
10 Vlora 14 4 4 6 14 14 +0 16
11 Burreli 14 4 4 6 12 13 -1 16
12 Luftëtari 14 4 4 6 6 13 -7 16
13 Tërbuni 13 4 3 6 13 22 -9 15
14 Partizani 14 3 3 8 8 17 -9 12
15 Ada 13 3 1 9 15 24 -9 10
16 Gramshi 14 1 4 9 8 24 -16 7
Burimi: Albania-sport.com
Kliko per te na ndjekur ne Twitter
E Diele, 19 Dhjetor 2010
