Tirane- Biznesmenin shqiptaro-maqedonas eshte marre nga punishtja e tij, me duar te lidhura. Kete fakt e ka bere te ditur dje para Gjykates se Krimeve te Renda, deshmitari Dalip Seferi, ish-punonjes ne kete punishte. Deshmitari i pare okular nga rrembimi i Hoxhes, ka treguar te gjithe skemen e ngjarjes, ndersa ka mohuar te kete njohur personat.


Deshmia


Dalip Seferi deklaroi dje para gjykates se mbasditen e 21 tetorit, kater persona kishin hyre ne punishte dhe kishin kerkuar Remziun. "Ne kemi pare vetem kur Remziun e kane marre me duar te lidhura dhe na beri pershtypje, ne si specialiste ishim shume veta, rreth 8-9 veta. Tentuam te dalin, por personi nuk na la, kishte nje pistolete ne dore na tha: "futuni brenda". Ne u futem brenda, ata moren Remziun dhe iken. Me vone dolem ne, degjuam zhurme. Pyetem brigadierin si ishte puna dhe tha qe nuk dinte gje. Kemi dale serish jashte prape, se nuk na punohej. Kur erdhen prape ata, hapen makinen e Remziut, nuk e di cfare moren dhe iken", deklaroi dje deshmitari Dalip Seferi. I pyetur nga prokurori i ceshtjes Xhevat Hana, nese i kishte njohur personat qe kishin marre Remziun, Seferi ka deklaruar se nuk i njihte madje nuk i mbante mend as fytyrat e tyre. Po ashtu deshmitari ka treguar se nuk mbante mend as targat, me te cilat ishte marre peng Hoxha. Ne fund deshmitari ka bere te ditur se qe prej asaj dite, ata nuk e kishin pare me Remzi Hoxhen, dhe as nuk kishin pasur ndonje informacion tjeter per fatin e tij.


Ngjarja


Biznesmeni Remzi Hoxha, u more peng me daten 21 tetor te vitit 1995 ne firmen e tij, te quajtur "Albatros", e cila prodhonte konstruksione duralumini. Nga verifikimet e kryera ka rezultuar se nje nga automjetet e perdorura ne ngjarjen e rrembimi,t ka qene me targa TR 2449 C, makine e cila i takonte institucionit te SHIK-ut, e terhequr me emrin e shefit te prapavijes te SHIK-ut ne kryeqytet, Nuredin Dervishi. Nga hetimet ka rezultuar se Avni Koldashi, ne vitin 1995 shef ne bazen nr.10 te vezhgimit, dyshohet se ka marre pjese ne kete operacion, i cili me pas e ka dorezuar tregtarin tek nje grup oficeresh operative, ku nder me kryesoret kane qene Ilir Kumbaro dhe Arben Sefgjini, kryetar dege dhe zevendes drejtor ne Drejtorine e SHIK-ut ne Tirane. Te pandehur ne kete proces jane tre ish SHIK-as: Arben Sefgjini, Ilir Kumbaro dhe Avni Koldashi. Ndersa procesi per Budjon Mecen eshte vecuar nga Gjykata e Krimeve te Renda, deri ne momentin qe ky i fundit te jete ne gjendje per te marre pjese ne seancen gjyqesore. Mbi tre te pandehurit rendojne akuzat e "rrembimit te personit, kryer ne bashkepunim", tre here dhe "torturimit kryer ne bashkepunim", tre here.





Deshmitaret qe kane deshmuar ne gjykate


Ilir Cenollari, ish drejtori i komanduar ne SHIK gjate vitit '98-'99


Aziz Tersia, ish-punonjes ne SHIK


Flamur Reci


Agim Shehu, ish zevendesministri i Brendshem


Anibal Basha, ish-inspektori i SHIK-ut


Alfred Duka, ish-kreu i SHIK-ut Sarande


Arben Karkini, ish-drejtues i SHIK-ut


Fatos Klosi, ish kreu i SHIK-ut


Shpetim Pasholli, ish-punonjes ne SHIK


Halit Shamata, ish-minister i Arsimit


Alma Kristopuli, vajza e Ziso Kristopulit


Agron Musarai


Edmond Abazi


Sadik Vata


Besnik Gjuzi


Qemal Bejdo


Besim Datja


Gjergj Jorgo, nendrejtori i Policise se Tiranes


Beqir Tershalla, me detyre nenoficer ne SHISH, dega Sarande


Ilir Xheta, inspektor krimesh ne vitin 1995


Alban Kumari, ish-hetues i dosjes "Hoxha"


Ziso Kristopoli, nje prej personave te rrembyer


Sefdie Hoxha, bashkeshortja e Remzi Hoxhes,


Ardian Hoxha, djali i Remzi Hoxhes


Roland Dedej, ish-shofer i Ilir Kumbaros prane SHIK-ut


Nexhmedin Hoxha, vellai i Remzi Hoxhes





Jane lexuar deklarimet e:


Bashkim Gazidedes, ish-kreut te SHIK-ut


Maksim Kroi, ish-punonjes ne pularine e Ziso Kristopulit


Meleq Frasheri


Lefter Hanaj, mjeku qe kishte kuruar Kristopulin





Shehu


Ish zevendesministri i Brendshem, Agim Shehu deklaroi para gjykates se per Remzi Hoxhen i kishte kthyer pergjigje Presidentit te asaj kohe, Sali Berishes, dhe kryetarit te Kuvendit, Pjeter Arbnorit. Sipas tij per kete ngjarje ishte vene ne dijeni nga nje kallezim i familjareve te Hoxhes.





Klosi


Ish-shefi i SHIK-ut Fatos Klosi, para gjykates shpjegoi se nuk ka pasur asnje dokumentacion, ne lidhje me zhdukjen e biznesmenit Remzi Hoxha. Sipas tij ai ka pasur kontakte me kryeministrin e asaj kohe, Aleksander Meksi. Klosi deklaroi se dhomat e shoqerimit te SHIK-ut, ku sipas tij disa ishin biruca pa dritare, ishin te lyera me gjak.





Gazidede


Ish-kreu i SHIK-ut Bashkim Gazidede, ka deklaruar se per shoqerimin ne Vajin te Lezhes te tre personave, e kryesisht biznesmenit shqiptaro-maqedonas Remzi Hoxha, ish-kreu i SHIK, ishte vene ne dijeni nepermjet mediave. Sipas tij, Arben Sefgjini dhe Ilir Kumbaro, duhet te dilnin para ligjit.