Liberalizimi i vizave ka detyruar Komisionin Europian të forcojë më tepër sigurinë për identifikimin e personave që hyjnë në zonën Shengen. Grupi “Miqtë e Sistemit të Informacionit të Vizave, VIS”, i kryesuar nga Presidenca e KE do të diskutojë në ditët në vijim lidhur me këtë projekt. Synimi i këtij projekti është ndërtimi i një sistemi qëndror me qendër në Strasburg dhe futja në këtë sistem e të gjitha të dhënave biometrike, pra, shenjave dixhitale. E reja e këtij projekti është se në kontrollimin e sistemit të vizave rol kryesor do të luajnë përfaqësitë diplomatike.




• Vizat, ekspertët e BE në Tiranë






Përfaqësuesit diplomatikë do të kenë akses në këto të dhëna, dhe do të
verifikojnë origjinalitetin e vizës dhe identitetin e personit që ka
marr vizën në momentin që hyn në zonën Shengen. Për rrjedhojë, qytetarët
e vendeve që janë bërë, apo që do të bëhen pjesë e liberalizimit të
vizave, sic është Shqipëria dhe Bosnja, do të jenë të identifikuar në
sistemin qëndror në Strasbrug, në momentin që do të shkelin zonën
Shengen. Ky projekt synon vizat që do të jenë më afat qëndrimi të
shkurtër në vendet europiane të Shengenit.



Gjatë diskutimeve që do të zhvillohen, përfaqësitë konsullore dhe
diplomatike do të dërgojnë progres raporte për monitorimin dhe cështjen e
vizave biometrike. Ndërkaq, ky grup do të monitorojë dhe cështje të
tjera si listat VIP që do të udhëtojnë drejt vendeve Shengen,
informacionet dhe cilësinë e shenjave dixhitale. Në këtë mënyrë
Komisioni Europian shtrëngon më tepër masat lidhur me liberalizimin e
vizave, duke i dhënë mjaft prioritet sigurisë, dhe kontrollit të
personave që hyjnë në zonën Shengen. Vizat u liberalizuan në dhjetor të
vitit të kaluar për Maqedoninë, Serbinë dhe Malin e Zi, ndërsa Bosnja
dhe Shqipëria janë në pritje të përmbylljes së këtij procesi.



Anisa Braho




Azhornuar së fundi ( e martë , 13 korrik 2010 )










< I mëparshmi