Një ndërtesë është përfshirë nga flakët në orët e mbrëmjes në zonën e njohur si "Don Bosko", në kryeqytet. Ndërtesa që shërben si dyqan e lëndëve drusore mësohet se ndodhet në afërsi të një pike karburanti.Në vendngjarje kanë mbërritur forcat e policisë dhe ato zjarrfikëse, të cilat kanë vënë nën kontroll flakët dhe kanë bërë të mundur shuarjen e plotë të zjarrit.
Për shkak të zjarrit, OSHEE-ja ka ndërprerë energjinë elektrike në disa zona.
"Sipas informacionit të fundit nga terreni rezulton se ka rënë zjarr në një ambient ku tregtohen materiale të lëndës drusore, ku dhe kalon linja TM e fiderit Nr 1 N/st Tirana1 (Zogu Zi). Si masë sigurie, OSHEE-ja është e detyruar të kryejë stakimin e fidrit nr 1", thuhet në njoftimin e OSHEE-së.
Shkaqet e rënies së zjarrit mbeten të paqarta.
/ Shekulli Online /
